Fason Pou Pran Swen Tèt
Kò Ou, Lespri Ou
Pandan moman sa a, li enpòtan pou w pran swen tèt ou epi kenbe kò w an sante.
Sante Emosyonèl
Gendelè dèy la ka akable w, men se nòmal. Ou pa poukont ou si ou santi w konsa. Fè dèy se yon pwosesis; santiman ou ap chanje avèk tan k ap pase. Si santiman sa yo vin twòp pou ou, pale ak doktè w la.
Yon gwoup sipò gendwa ede w nan pwosesis gerizon an. Lè w pale ak lòt moun ki te pèdi yon tibebe, sa ap ede w travèse moman difisil sa a.
Nitrisyon
Ou gendwa pa santi w grangou lè w an dèy. Men, lè w manje byen, sa ap ede kò w geri.
- Manje plizyè ti repa regilyèman.
- Manje ti goute ki bon pou lasante.
- Fè manje ki bon epi ki santi bon.
- Pran yon miltivitamin.
WIC bay manje ki fòtifyan kò w bezwen pou li remanbre.
Pwoteyin
Gen pwoteyin nan ze, manba, ak pwa ki pou repare chè nan kò w.
Fè
Gen fè nan pwa, lantiy, ak sereyal pou kenbe san w an sante epi boure li ak oksijèn
Vitamin
Vitamin ak mineral ki gen nan fwi ak legim yo ap ede w nan gerizon an.
Kalsyòm
Gen kalsyòm nan lèt, fwomaj, ak yogout pou kenbe zo w ak dan w an sante epi djanm.
Laktasyon
Ou gendwa gen lèt k ap koule, sa ki kapab fè w sonje pitit ou pèdi a. Ou gendwa jwenn soulajman lè w ponpe lèt la pou yo bay oswa konsève pou lòt rezon, oswa ou ka santi w pi alèz lè w pran mezi pou w seche lèt ou. Yon konsiltan nan zafè laktasyon oswa doktè w la kapab ede w.
Resous
Gen plizyè resous ki disponib pou sipòte ou.
Pwofesyonèl swen sante w la
Al wè doktè ou pou w asire ou kò w an sante. Li ka an mezi pou l di w nan ki gwoup sipò ou kapab antre atravè klinik oswa lopital ou a.
WIC
Ou gendwa an mezi pou rete nan pwogram Special Supplemental Nutrition Program for Women, Infants and Children (WIC, Pwogram Nitrisyon Siplemantè Espesyal pou Fanm, Tibebe ak Timoun) la antanke yon ti nouris ki pèdi yon tibebe pou ka resevwa sipò, konsèy sou nitrisyon, ak manje pou kenbe kò w anfòm.
Gwoup sipò
Yo gendwa ede w nan pwosesis gerizon an. Mande pèsonèl WIC la kote pou w jwenn resous lokal yo.
Ale nan resous sa yo pou jwenn èd:
Sipò Gratis pou Fanm ki Fè Foskouch
Gwoup Sipò Vityèl Gratis
Bra Ouvè – Pwogram Sipò Gratis
Sipò Gratis pou Fanm ki Fè Foskouch
Bra Ouvè – Pwogram Sipò Gratis
Gwoup Sipò Vityèl Gratis
Rele resous sa yo pou jwenn èd:
Liy sipò a gen yon ekip pwofesyonèl ki te fè foskouch epi ki te pèdi yon tibebe tou.
Se yon liy asistans U.S Health Resources and Services Administration (HRSA, Administrasyon Resous ak Sèvis Sante Etazini) finanse epi Postpartum Support International bay jarèt, ki disponib 24 sou 24, 7 jou sou 7, 365 jou 365, nan lang Anglè oswa Panyòl ak lòt lang yo lè ou mande yo.
Liy sipò a gen yon ekip pwofesyonèl ki te fè foskouch epi ki te pèdi yon tibebe tou.
Se yon liy asistans U.S Health Resources and Services Administration (HRSA, Administrasyon Resous ak Sèvis Sante Etazini) finanse epi Postpartum Support International bay jarèt, ki disponib 24 sou 24, 7 jou sou 7, 365 jou 365, nan lang Anglè oswa Panyòl ak lòt lang yo lè ou mande yo.
Liy sipò a gen yon ekip pwofesyonèl ki te fè foskouch epi ki te pèdi yon tibebe tou.
