Dear Hringtu Nu,
Ngan a dammi naute ngei na duh i nangmah zong dam tein um na duh ve. Thazang umnak eidin pawl ei le a herhmi zohkhenhnak lak cu aa sem liomi na naute caah laksawng ngan bik na pek khawhmi asi.
WIC nih a tanglei hna hi an bawmh khawh:
- Hnukdinhnak kong cawnnak
- Nangmah le na chungkhar caah ngandamnak he aa tlakmi eidin thimnak
- Ngandamnak zohkhenhnak le adang zatlang program pawl he pehtlai ternak
- Na naute ngandam tein le him tein zeitindah ka chiah lai timi cawnnak
- Ngandamnak he aa tlakmi eidin pawl cawknak
Hi cahmai i lamhmuhsaknak pawl nih na ngandamnak zohkhenhtu ruahnak an cheuhmi kha a thleng lai lo. Nau ngeih hlan checknak tuah dingin na kal hlan ah biahal ding pawl i tial cia hna.
Na umnak Special Supplemental Nutrition Program for Women, Infants and Children (WIC, Nu, Bawhte le Hngakchia caah Pum Thazang Umnak Lei A Bawmtu Special Program) zung na kal tikah, ngandamnak he aa tlakmi rawl ei ning kong tamdeuh in na theih khawh lai. WIC nih pek ding a ngeimi hna cungah naa lawm lai tiah ruahchanhnak kan ngei.
Lungthiang tein,
Na WIC riantuantu
Nau Ngeih Hlan Zohkhenhnak Lak Hna
Nau ngeih hlan zohkhenhnak cu nau a pawimi hna zohkhenhnak asi. Ngandamnak zohkhenhtu asiloah special in cawnnak ngeih termi thlopbultu (nurse) nih nangmah le na naute cu nan dam ko timi an check hna lai.
Hi hna hi naa ruahchanh khawh:
- A hmasa bik thla 6 caah thla fatin in voi 1 checknak.
- Thla 7 le 8 ah thla 1 ah voi 2 checknak.
- Thla 9 ah zarh fatin in voi 1 checknak.
- Naute a chuak hnu in zarh 2 in 6 tiang ah voi 1 checknak (nau ngeih hnu zohkhenhnak).
Nau ka pawi tiah na ruat le cangka in nau ngeih hlan zohkhenhnak cu lak hna. A cunglei caan suaimi hi lamhmuhsaknak asi; ruahnak cheuhmi tonnak caan (appointment) zapi in kal dih dingcu a biapi tuk. Na naute kong le a pum cu zeitindah aa tleng timi tamdeuh in na theih khawh lai.
- Nau ngeih hlan zohkhenhnak caah man pek ding bawmh na herh ahcun, na umnak Medicaid zung cu pehtlai hna.
Nangmah le Na Naute caah Ngandamnak He Aa Tlakmi Eidin Pawl Thim Hna
Ngandamnak he tlak tein na ei tikah na naute cu a thang bik. Nifatin in eidin phu 5 an zapi chungin eidin a phunphun in thim hna.
Nifatin pumpak eidin timhlamhnak caah, www.myplate.gov ah hin leng hna
Facang
Tisik anhnah pawl
Thingthei pawl
Cawhnuk in sermi Eidin
Sa-dat (Protein)
Facang
Nikhat ah 6-8 ounce
(6-8 pek ding)
Voi 1 pek = 1 ounce
Tahchunhnak:
- Pawnghmuk asiloah maxico pawnghmuk par 1
- Pawnghmuk kual asiloah bun hamburger ½
- Chumhmi buh, khohsuai, asiloah cereal hrai ½
- A tlap tete phun cereal (flake-type cereal) hrai 1
Lamhmuhsaknak pawl:
- Hibantuk facang hi ei hna: oat changvut, changvut in sermi pawnghmuk asiloah zualmi, a dummi facang, changvut in sermi pawnghmuk rawhmi, maxico pawnghmuk (changvut asiloah fangvoi in sermi)
Tisik anhnah pawl
Nikhat ah hrai 2½-3½
(5-7 pek ding)
Voi 1 pek = hrai ½
Tahchunhnak:
- A hring in asiloah chumhmi tisik anhnah hrai 1
- Salat antam (luttuce) asiloah adang a hringmi a hnah a tammi hrai 1
- Tisik anhnah asiloah khazianchinti hang hrai ½
Lamhmuhsaknak pawl:
- A phun le a muici tampi in ei hna: hring duk, theithu, a sen, aihre, sen duk, le a rang
- Cawh hna: arti keu, buh, khohsuai, salad, le sa um in chumhmi
Thingthei pawl
Nikhat ah hrai 1-1½
(2-3 pek ding)
Voi 1 pek = hrai ½
Tahchunhnak:
- Ahmi asiloah chumhmi hrai ½
- Thingthei 1 – apple, theithu (orange), metei (peach) tibantuk.
- 100% Thingthei hang hrai ½
Lamhmuhsaknak pawl:
- A phun le a muici tampi in ei hna: a sen, aihre, theithu, vandum, a hring, sen duk le a rang
- Parmi asiloah ahmi thingthei cu cereal, binghmuk, pudding pawnghmuk, le khalmi cawhnuk thor ah chiah hna
Cawhnuk in sermi Eidin
Nikhat ah hrai 3
(3 pek ding)
Voi 1 pek = hrai 1
Tahchunhnak:
- Hnuk hrai 1
- cawhnuk thor (dinchin) hrai 1
- Cawhnuk Khal par 1 in 2
Lamhmuhsaknak pawl:
- 1% asiloah thau aa tel lomi hnuk thim hna
- Hnuk din ding a har ahcun, WIC in ruahnak lak hna
Sa-dat (Protein)
Nikhat ah 5½-6½ ounce
(5½-6½ pek ding)
Voi 1 pek = 1 ounce
Tahchunhnak:
- Satit, arsa, vui-ar, asiloah nga 1 ounce
- Tuna nga kuang hrai ¼
- Arti 1
- Chumhmi pe asiloah tofu hrai ¼
- mipe cawhnuk thawhpat cabuai keu in keu 1
Lamhmuhsaknak pawl:
- Voi 3 pekmi cu phee tom tia asi
- A dermi satit thim hna: rawhmi, chumhmi, asiloah emmi
- Pe tamdeuh in ei hna; chumh ningcang caah WIC hal hna
Zohchunh Ding Menu
Nangmah le na naute cu punghman rawl le rawltam riamnak nan ei tikah a tha bikmi asi. Hihi na WIC thathnemhnak pawl in na cawk khawhmi eidin cheukhat hmangin tuah khawhmi a fawimi cazin asi.
Hihi na kheng ah rawl le rawltam riamnak zeizat dah asi lai timi tahchunhnak cheukhat asi.
Thaithawh
Banhla 1
thau aa tel lomi asiloah 1% hnuk hrai 1
Facang in sermi pawnghmuk rawhmi par 1
chumhmi, cawhmi arti 1
Chuncaw
Chumhmi kawpi par a hringmi hrai ½
ti hrai 1
Fangvoi in sermi pawnghmuk 1 ounce
khazianchinti sauce hrai ½ le pinto pe
hrai ¼ le pe a senmi hrai ¼
Rawltam Riamnak
Rawl ei hlan le rawltam riamnak kar lakah 100% theithu hang (orange juice) hrai 1
pezeti ahmi hrai 1 thau a tlawmmi cawhnuk thor (dinchin) hrai
½ facang in sermi changreu a pan a carmi
5 asiloah 6 le cawhnuk khal
parmi 3 asiloah 4 ahmi zil hrai
½ le sialaka hang cawhmi cabuai keu in keu 1
Zaanriah
Cawhmi, salad a hringmi hrai 1 le khazianchinti hrai ¼ le hak lak in tlokmi
arti ½ le sialaka hang cawhmi cabuai keu in keu 1 le chumhmi
ahmi carrot hrai ½
Chumhmi a dummi facang hrai 1 le rawhmi
ahmi arsa 3 ounce thau
aa tel lomi asiloah 1% hnuk hrai 1
Rawltam Riamnak (Snack): A Thaw, Ngandamnak He Aa Tlak, cun A Fawi
Nifatin in rawltam riamnak 2-3 in ei i tim. Ngandamnak he aa tlakmi rawltam riamnak fonhmi cu a tlawmbik eidin phu pahnih chung in thim in ei hna. Hi aa tluk rualmi rawltam riamnak nih diriam tein an chiah lai.
Tahchunhnak: Mipe Cawhnuk Thawhpat + Apple parmi
Pawnghmuk, Cereal,
asiloah Adang
Facang
- Pawnghmuk Kualmi (Bagel)
- Cereal
- Changvut asiloah fang in sermi maxico pawnghmuk
- Changreu a pan a carmi
- English muffin (Mirang changreu thlum phun khat)
- Graham changreu a pan a carmi
- Oat changvut asiloah fangvoi cheu
- Pita pawnghmuk
- Mitsur car in sermi pawnghmuk (Raisin bread)
- Facang in sermi pawnghmuk
- Thei tampi cawhmi thaithawh (Granola) asiloah pe phunphun cawhmi (trail mix)
- Kompuah
Cawhnuk in sermi
Eidin or
Sa-dat (Protein)
- Cawhnuk Khal (Cheese)
- A kham lak cangmi cawhnuk thawhpat thor a nemmi (Cottage cheese)
- Frozen yogurt
- Khal termi cawhnuk thor (dinchin)
- Arti, chumhmi
- A hakmi thingthei (hru bantuk)
- Mipe cawhnuk thawhpat asiloah a hakmi thingthei in sermi cawhnuk thawhpat
- Hummus
Thingthei
le
Anhnah
- Kawpi par a hringmi (Broccoli)
- Carrot
- A hringmi makphek a nganmi
- Pe a hringmi (Edamame)
- Khazianchinti
- Caleri
- Thawpat (Avocado)
- Apple
- Banhla
- Mitsur
- Phazeti
- Theithu (Orange)
- Metei (Peach)
- Rungtuban
- Mitsur car
- Strawberry
Khulran in Chumhmi Eidin Dawr Theihtlei Pawl
Naa hnawk tuk maw? Hi fimkhur tein thimnak pawl caah hal hna:
- Emmi arsa tenhmi pawnghmuk
- Hamburger asiloah cawhnuk khal tenhmi cheeseburger (thau, cite, cun cini a karh ter kho mi chiti bantuk thuhmi le sauce hna cu riikhiah hna)
- Rawl bik in ei mi salad asiloah a hlei in eimi salad
- Hmaphek a nganmi a hringmi, khazianchinti, le pa telhmi pizza
- Bean burrito (pe zualmi)
- Anhnah le cawhnuk khal telhmi rawhmi aalu
- Thingthei
- Ti, thau a tlawmmi hnuk, asiloah 100% thingthei hang
Eidin Lei Himnak Theihtlei Pawl
- Na ei hlan ah asiloah eidin na ser hlan ah ti le chapiat in na kut i tawl hmasa hna.
- Ei hlan ah asiloah chumh hlan ah tisik anhnah le thingthei cu ti in tawl hmasa hna.
- Cawsa, voksa, arsa, vui-ar, nga le rili eidin hna cu a tha bak timi level tiangin chumh hna.
- Hot dog, can cia in kih termi sa, le bologna, vokrilrawnmi asiloah voksa carmi bantuk sa pan tein tuahmi (deli meat) hna cu ei hlan ah tisa in a tlok tiang lum ta hmasa hna.
- Nau pawi lio ah zei nga dah a him timi le zeizat dah eiding in ruahnak cheuh asi timi cu WIC riantuantu asiloah na ngandamnak zohkhenhtu cu hal hna.
Cheukhat eidin hna cu ei hna hlah.
Nau na pawi lio ah cheukhat eidin cu nangmah le na naute caah a him lo. Hi eidin hna hi ei hna hlah:
- Tilefish (rili nga phunkhat), namte hmur a ngeimi nga (swordfish), king mackerel (rili nga phunkhat), asiloah ngaman (shark)
- Cengkol hring, asiloah sushi, sashimi, asiloah ceviche tibantuk nga pawl
- Arsa, cawsa, asiloah vui-ar bantuk chumh lomi, hmuh a harmi, asiloah sa hring
- Tlok ter lomi pawl asimi voksa carmi bantuk pan tein tuahmi (deli meat), samhmi (spread), asiloah tisik anhnah le sa cawhmi eidin (pate)
- Arti hring asiloah hmin tuk loin chumhmi
- Sa rawhmi
- Chumh lomi hotdog
- Tuhnuk thawhpat, blue-veined cawhnuk khal, a nemmi cawhnuk khal (Brie), asiloah Mexican-style (queso blanco asiloah queso fresco) cawhnuk khal
- Thianh lomi (a hring) hnuk asiloah cawhnuk khal
- Thianh lomi thingthei hang asiloah epal zu
- Alfalfa a kho kaami a zim bantuk, pe a kho kaami a zim chumh rih lomi
Anhring (herb) asiloah anhring in sermi lakphak na din hlan ah na ngandamnak zohkhenhtu cu hal hmasa; na naute caah him loin a um kho.
Nau Ngeih Hlan Dinmi Vitamin Din Hna
Nau ngeih hlan dinmi vitamin nih na naute than a bawmhtu ding iron dat le folic acid a hlei in a ngei. Nau ngeih hlan dinmi na vitamin nih iodine a tlawmbik 150 mcg a ngei maw timi check hna. Na dinmi nau ngeih hlan dinmi vitamin nih iodin hi zat a ngei lo ahcun, na ngandamnak zohkhenhtu hal hna.
Na ngandamnak zohkhenhtu nih chimhmi asi lo ahcun zeibantuk vitamin hmanh din hlah.
Na Ha Dam Tein Chiah Hna
Nau a pawimi nu hna nih an kaa ngandamnak a hnursuan kho mi hormone thlennak an tuar.
Na ha le na hani dam tein chiah dingcaah, hihi tuah hrimhrim hna:
- Nikhat ah na ha (le na lei) a tlawmbik voi 2 tal taih hna
- Nifatin in na ha hri in thianh hna
- Ti din law cini tampi aa telmi dinmi pawl hrial hna
- Ha i check ter hna
A nemmi ha taihnak hman hna. Nem tein i taih hna. Na ha na taih lio ah asiloah hri in na thianh lio ah na hani a thi a chuak ahcun, na ngandamnak zohkhenhtu cu chimh hna.
Ngan a Dammi Pum caah I Hliphlau Ko
Na pum cu na cawl tikah remcang tein a um. Na ngandamnak zohkhenhtu nih a tha ko a ti ahcun, hliphlau tein um. Lam kal, i samh, le ti lio cu a tha mi phun tlawmpal an si.
Pum hliphlau tein umnak nih hihi an bawmh lai:
- Thazang um deuh le bat lo deuh
- Tha deuh in i hngilh khawh
- Lungbatnak a zor deuh
- Na titsa a feh ter
- Pungsan a that ter deuh
Zarkhat chung ni tamdeuh asioah nifatin in hliphlau tein minit 30 umnak dingcaah caan kawl hna.
Caan cu hitin na then khawh hna:
Zingka ah minit 10 in lam kal
Chun hnu ah minit 10 in kal
Zaanlei ah minit 10 in kal
minit 30
Khinrit Deuhnak
Khinritnak zat na ngei ding micu nau na pawi hlan na khinritnak cungah aa hngatchan. Ngandamnak zohkhenhtu, thlopbultu, asiloah WIC riantuantu cu na khinritnak tah dingcaah khinritnak suaimi (graph) hal hna.
Nau Na Pawi Hlan Na Khinritnak
Tang a tummi khinritnak (Under Weight)
BMI 18.5 nak in a tlawmdeuh mi
Ngandamnak he aa tlaimi khingritnak (Healthy Weight)
BMI 18.5-24.9
A Luanmi Khinritnak
BMI 25-29.9
A thau tukmi
BMI 30 nak a ngan deuhmi asiloah aa tlukmi
Nau Pawi Lio Ah Ngandamnak He Aa Tlakmi Khinritnak Ngeihnak
28-40 pawng
25-35 pawng
15-25 pawng
11-20 pawng
Nau pawi lio khinrit deuhnak nih na naute than a bawmh. A hmasabik thla thum khinritnak cu 1-4 pound asi awk asi. Thla 4 thawk in, zarhkhat ah pound cheu (½) in 1 tiang na ritnak a kai lai.
Khinritnak hman tein a kai nak hnga:
- Na paw a tam tik poah ah ei hna
- Ngandamnak he aa tlakmi eidin pawl ei dingah thim hna
- Ti din hna
- Lam kal in hliphlau tein um
Na khinritnak cu:
A Hman
Na naute a chuak tikah khinritnak zor ter a fawi deuh lai. Nangmah ngandamnak le na naute ngandamnak a van khawh.
A Tlawm Tuk
Na naute cu hme tuk in asiloah tuan tuk in hrin asi kho.
A Tam Tuk
Na naute a chuak hnu in khinritnak zor ter a har deuh lai. Nangmah le na naute caansau damlonak harnak pawl si khawhnak a karh ter khawh.
Faphir, thum phir asiloah tamdeuh ngei dingin naa timh ahcun, na caah a hmanmi khinritnak kong cu na ngandamnak zohkhenhtu he bia i ruah hna.
Na Naute Him Tein le Dam Tein Chian Hna
Sahdah asiloah khuhsi in sermi thil pawl, zu (beer, wine, zureu, asiloah cawhmi dinmi pawl), sii hnah carmi, le adang phung a lut lomi sii hna cu hrial dingin ruahnak cheuh asi. Hi thil chuak pawl hna nih nangmah le na naute ngandamnak cu a thatlonak lei in a hnursuan khawh.
Hi thil chuak pawl hmannak ngol asiloah thumh cu a har timi kan theih. Naa zuam lio asi ahcun, an bawm khotu ding thil hrampi pawl kan ngei.
Nangmah lawng na si lo.
Kannih cu angmah bawmh dingin kan um.
A lak nun chimhnak, a lak in ngolnak timhtuahnak, le cawnnak thilri pawl telhchih in sahdah asiloah khuhsi tonhtilonak ding bawmhnak caah www.quitnow.net ah hin rak zoh hna.
Zu, sii hnah carmi, asiloah adang phung a lut lomi sii pawl tongh ti lonak ding bawmhnak caah, na ngandamnak zohkhenhtu cu pehtlai hna asiloah www.findtreatment.gov ah rak leng.
Sii na ei hlan ah na naute caah a him maw timi fehter dingcaah Na ngandamnak zohkhenhtu cu hal hmasa hna.
Nau Pawi Lio Siaremlonak
Nau na pawi lio ah na takpum aa thleng. Thla 3 asiloah 4 lio ahcun na paw a fak bantuk in na um men lai. Cheukhat rim le eidin pawl nih an luak ter men lai.
(Nau pawi ruangah luak chuak zawtnak in) na zaw ahcun…:
- Thli thar luh ter dingcaah thlalangawng on hna law a hlun chuah ter hna
- Naa thang tikah duhsah tein tho hna
- Ihnak in na chuak hlan ah changreu a car a panmi tlawmpal ei piak hna
- An damter lo tu rim pawl in aa hlatnak ah um hna
- Chumhmi rawl a rim nih an dam ter lo ahcun a kikmi rawl ei hna
- Suimilam pakhat asiloah pahnih fatin eidin tlawmpal in ei hna
- A hang din hna, asinain tlawmpal te lawng din hna
“Nau pawi ruangah luak chuak zawtnak” cu chun zeitik caan poah ah a chuak kho.
- Na dam lo hmanh ah, rawl le a hang cu na herh peng rih. Zeihmanh dai tein na chiah khawh lo ahcun, na ngandamnak zohkhenhtu cu phone chawnh hna.
Na naute a than tikah, rawl na ei tikah na paw a fak men lai. Na kheng thawn hmanh a har men lai. Hi harnak pawl na ton ahcun na ngandamnak zohkhenhtu cu bia ruah hna. Na ngandamnak zohkhenhtu nih ruahnak an cheuh lo ahcun sii din hna hlah. Hihi cheukhat lamhmuhsaknak pawl asi:
(Pawpi rawl rial khawh lonak) Tanglinhnak na ngei ahcun:
- Tampi in rawl 2 asiloah 3 ei nak in, tlawm tein 5 asiloah 6 ei hna
- Kiomi asiloah a tlormi eidin hrial hna
- A thakmi eidin tlawmdeuh in ei hna
- Na rawl he ti tlawmte lawng din hna
- Dingtein thu asiloah na ei hnu in lam kal piak
- Soda, coffee, asiloah lakphak ah lungthawhnak sii caffeine hrial hna
(Voih khawh lo) Na er a fer ahcun:
- Eidin pawl cu hibantuk thahri a tammi he ei hna:
- Tisik anhnah pawl
- Thingthei
- Bailep le pe
- facang in sermi cereal
- pawnghmuk le changreu a pan a carmi
- changvut khohsuai
- Fang a dummi
- Fangvoi maxico pawnghmuk
- Ti bantuk, a hang tampi in din hna
- Na ei hnu in lam kal piak
Na Naute Cu A Tha Bik In Hramthawk Ter – Hnukdinh!
Minung hnuk cu na naute a hmasa bik nunnak thla 6 caah a herhmi zapi asi. Na naute cu a nunnak ah ngan a dam bikmi thawknak pek dingcaah na hnuk nih a hmanmi thilri cu a hmanmi zat in a ngei. Hnukdinh cu nangmah ca zongah a tha ve thiamthiam.
Hnuk a dinhmi nu nih a chim…
“Hnuk ka dinh tikah, ka aungthlar. Keimah lawng nih pek khawhmi laksawng in
ka naute cu dam tein le thawng ngai in a thang.”
Hnukdinhnak nih na naute ngandamnak a ven.
Hnukdinhmi naute cu hibantuk si khawhnak a niam deuh:
- SIDS – Sudden Infant Death Sydrome (Bawhte Ruah Lo Piin Thihnak Hmelchunhnak)
- Pum he i tlak lonak
- Kihnak, thawchuahnak he aa pehtlaimi, le hnakhaw fahnak bantuk zawtnak
- Thau luan tuknak
- Chungtlik le Ek fer
Hnukdinh cu hringtu nu ca zongah a tha ve thiamthiam.
Hnukdinh nih hi hna hi an bawmh:
- Thau luan tuknak, lung zawtnak, le zennak si khawhnak a zor ter
- Hnuk le adang cancer si khawhnak a niam ter
- Na ruh a thawng ter
- Nau na pawi hlan na pungsan kha rang deuh in an ngah ter than
Hnukdinhnak Konglam Pawl
-
Hringtu nu tampi nih hnukdinhnak kong biahalnak pawl an ngei.
Hnukdinhnak kong phannak na ngeimi poahpoah cu WIC riantuantu he biaruah hna. -
Na naute a paw a tam fatin hnukdinhnak nih na pum cu na naute nih a herhmi hnuk vialte a ser ter lai.
Ni hramthawk ahcun, an paw cu a hmetuk caah naute cu nikhat ah voi 8-12 tiang a ei a herh lai. - Sizung um lio ah asiloah inn tin hnu ah takvun le takvun i tongh in naute tlaihnak nih hnuk sernak an bawmh.
-
Hnukdinh cu a fah awk asi lo.
A fak ahcun, bawmhnak lak hna. Ngandamnak zohkhenhtu, WIC siikhaan, na umnak sizung, asiloah La Leche League (LLL) cu phone chawnh hna. -
Inn ah, a bik in ni hmasa lei ah bawmhnak hal hna.
Chungkhar le hawikom hna cu inn rian bawmh dingin le hngakchia adang hna zohkhenh dingin bawmh hal hna. Hringtu pa asiloah adang chungkhar chungtel hna nih naute cu takvun le takvun i tongh in an tlaih khawh i, kholh le lentecelh zong an bawmh khawh. Naute hna cu rawl pek caan lengah dawtnak le pom chihnak tampi an herh. -
Rian asiloah sianginn ah na kal than khawh i pehzulh in hnuk na dinh khawh.
Indiana, ramkulh dang hna zong, nih rian ah hnuk surnak caah dinhnak caan le a hmunhma a ngeimi riantuannak hmunhma a herh timi upadi an ngei. Ramkulh 50 zongah hringhtu nu nih mizapi hmai ah hnuk a dinh tikah vennak ding upadi a um. -
Hnuk a dinhmi hringtu nu nih an duhmi eidin an ei khawh!
Special eidin a herh lo. -
WIC nih na hnukdinhnak hmuhtonnak chung vialte an bawmtu ding Hawikom Ruahnak Cheuhtu (nangmah bantuk in a fa hnuk a dinh ve mi) a ngei.
Hna a hnawk deuhmi phannak pawl a um ahcun WIC Rianpekmi Hnukdinhnak lei Thiamsang zong nangmah an bawmtu dingah a um.
Hnukdinhnak kong tling deuh in theih dingcaah, wicbreastfeeding.fns.usda.gov ah leng hna
Sizung Ah Ka Hnukdinhnak Timhlamhnak
An thlopbultu le ngandamnak zohkhenhtu cu na naute hnuk lawnglawng dinh dingcu naa timhnak asi nak kong chimh hna. Nangmah le na naute caah sii lei in a him chung vialte hi lamhmuhsaknak cu zulh dingin hal hna.
Hnuk lawnglawng Dinh – Ka naute cu formula, ti, asiloah glucose ti cu a ka bawmtu asiloah keimah chimh hlan ah zangfahnak in pek hna hlah.
Takvun le Takvun i tongh in – Ka um chungah, ka fa cu takvun le takvun i tongh in asi khawh chung tampi in tlaih ka duh.
Hnuk Sur – Ka naute cu hnukdinh khawh asi lo asiloah sii lei konglam ruangah keimah he then asi ahcun, ka hnuk surmi cu asi khawh chung tampi in hman ka duh. Sizung ka ummi ni nak in saudeuh hnuk sur a herh ahcun, zangfahnak in ka umnak WIC zung phone chawnh dingin ka theihter than.
Thol asiloah Nau Ngamnak caah Kaa Bunhmi (pacifier) Hman Hna Hlah – Zangfahnak in ka naute cu serchommi hnukhmur pe hlah. Hibantuk ah nau ngamnak caah kaa bunhmi asilaoh thol poahpoah aa tel.
Hnukdinh Bawmhnak – Nau ka ngei hnu a hmasabik suimilam chungah hnukdinh ka bawmh.
Zal Inn Tinpinak – Sizung in kan chuak tikah formula pakhat khat asiloah formula kong cu kanmah he inn ah kan kuat chih hlah. Cu nak cun, Hnukdinh ding thim in ka naute cu a tha bikmi thazang umnak rawl na pek timi cu ka theihter than deuh.
Nangmah tein Caan I Pe
Nau ngeih cu a harmi rian asi! A caancaan ahcun na ba lai, na lungfah a fawi lai, cun naa ngaichih lai. Na ngeih zong a chia kho. Lungdai ternak dingcaah caan kawl law i din hna. Na lung a bat ahcun, bawmh hal hna.
Chungkhar le hawikom pawl cu bawmh hal hna.
Na ngandamnak zohkhenhtu cu biaruah hna.
Postpartum Support International Helpline cu 1-800-944-4773 ah phone chawnh hna, www.postpartum.net ah leng hna, asiloah 800-944-4773 (Mirang holh) asiloah 971-203-7773 (Spain holh) ah ca kuat hna.
Nangmah le nangmah dawtnak langhter dingcaah:
- A za tawk tein it khawh i zuam law i din
- Nifatin in minit tlawmpal cu nangmah caah hman hna
- Na nuammi minung hna he caan hman hna; na nuam lomi cu hrial hna
Nangmah le nangmah asiloah na naute fahnak peknak ruahnak na ngei ahcun, bawmhnak lak colh hna.
Aasiloah zarh khat ah ni 7, nikhat ah suimilam 24 chung a lak in 1-800-273-8255 ah phone chawnh khawh asi asiloah 988 ah phone chawnh/cakuat khawh asi.
Hnukdinh bawmhnak caah, na umnak WIC Hnuk a Dinh Vemi Hawikom Ruahnak Cheuhtu asiloah WIC Rianpekmi Hnukdinhnak lei Thiamsang cu pehtlai hna.
Hi riantuannak zung cu atlukmi caantha petu asi.
