Na eWIC Card Hmannak
Na chungkhar ca i WIC thathnemhnak pawl cu na WIC account ah chiah piak asi lai. Na Indiana eWIC Card cu WIC siikhaan nih thil zuartu min cazin an pekmi ah aa telmi dawr ah na thathnemhnak pawl cawk dingcaah na hman lai.
eWIC card nih thil cawk a fawi ter.
A tanglei nih hin WIC phaisa pek ningcang tuah tawn micu a langhter nain dawr khat le dawr khat tlawmpal te te an i dang kho men.
Dawr
Na eWIC card, atu na thathnemhnak a tangmi le WIC Theihpimi Rawl Card in, na duhmi rawl pawl cu thim hna.
Phaisa Peknak
Thil cawk na lim tik ah, WIC a cohlangmi phaisa peknak lam kha thim hna.
Cheu khat dawr pawl cu WIC thil le adang thil kha thleidan piak an herh lai. A herh mi asi le si lo kha hal hna.
Indiana eWIC card na hman mi kha tangka kengtu kha na chim lai.
Tangka kengtu nih thil pawl cu WIC-theihpimi le cu ni ah cawk khawh a si maw timi fehter dingcaah scan a tuah lai.
Man Peknak
Nangmah silo le tangka tlaitu nih eWIC card nan thlen (swipe) lai.
Na PIN kanaan-pali na tial lai.
Tangka kengtu nih tangka na peknak cazin cu an pek lai. Na card le na cazin kha philh lo in i lak hna.
Dawr i WIC sehthilri a tha lo ahcun zeitin a si lai?
Dawr i sehthilri cu a tha lo ahcun, WIC a cohlangmi adang dawr ah na kal khawh.
Ka rawl pakhat khat cu cohlang a si lo ahcun zeitin a si lai?
Na WIC thathnemnak pawl nih a cawk khawh lai tiah na ruah nain a cawk khawh lomi thil pakhat khat an um ahcun, atanglei pawl ruang ah a si kho:
- Thil cu na cazin i chuah piakmi eidin ah aa tel men lai lo.
- Cu thil chuah piakmi a zat cu na hman dih cang men lai.
- Thil cu Indiana WIC Eidin Card ah thiehpi lomi eidin asi kho.
- Thil barcode (code number a thluan) cu aa thleng asiloah program system nih a thei kho lo.
Hi harnak pawl na ton ahcun, na thathnemhnak a tangmi cazin zoh dingcaah INWIC Mobile App cu check law thil cu WIC theihpimi asi le silo check dingcaah UPC scan tuah hna.
Na eWIC Card Kong
PIN timi cu Pumpak Thleidannak Number (Personal Identification Number) asi. Na eWIC card an hmang ter kho tucu kanaan-pali biathli code hi a si. Na eWIC card na nunter lio ah na PIN number cu na thim lai.
PIN number Thimnak #
Zeitindah ka PIN number ka lak lai?
Na eWIC card a hmasa bik na lak lio ah kanaan-pali PIN cu na thim lai. Na card nunter dingah le PIN thim dingah, Customer Service cu 1-855-349-1454 ah phone chawnh hna. eWIC card number kanaan-16, lam zip code, le Nawlpekmi Aiawhtu a chuahni cu na theih hna a herh lai.
Ka PIN number zeitindah ka thim lai?
Chinchiah dingah a fawimi, asinain midang nih theih dingah a harmi PIN number cu thim hna.
Him Tein Chiah Hna
Ka PIN number him tein zeitindah ka chiah lai?
Pakhat khat nih na PIN number a theih ahcun, na thathnemhnak pawl lak dingah na card cu an hmang khawh i cu thathnemhnak pawl cu adang in thlen piak than asi ti lai lo. Na PIN number na tial lio ah, na tialmi number cu midang nih an hmuh lo nak hnga tha tein ven hna. eWIC card ah na PIN number cu tial hlah, cun na phaisa bawm asiloah phaisa zal zongah tial in fim hna hlah.
Ka PIN number ka philh asiloah a thar thlen ka herh ahcun zeitin asi lai?
Na PIN number na philh ahcun, PIN number a thar thlen dingcaah eWIC card a hnu lei i tialmi Customer Service number cu phone chawnh hna. Ca peknak lam zip code number le Nawlpekmi Aiawhtu a chuahni cu na theih a herh lai.
Pakhat khat nih ka PIN number cu a theih ahcun zeidah ka tuah lai?
PIN number thleng hna.
A Ngah Lo
Dawr ah a hman lomi PIN number ka tial ahcun zeitin asi lai?
A hman lomi PIN number na tial ahcun, voi thum tiang hman tein tial than khawhnak na ngei lai. A hman lomi PIN voi li tiang na tial hnu ah, card cu a thaizing Nichuah Lei Suimilam Caan (Eastern Standard Time) 12:01 AM tiang tawh aa hrenh lai. Card tawh on than dingcaah le PIN number thlen dingcaah Customer Service cu 1-855-349-1454 ah zeitik poah ah chawnh khawh asi.
A tanglei a ngah lomi (error) ca kuat hi zeidah a chim duh?
- Card Hmuh Asi Lo: na siikhaan pehtlai hna
- PIN A Hman Lo: PIN a hman lomi na tial caah asi, a hmanmi number na theih ahcun tuah than hna
- Thathnemnak Caan A Luan: thathnemhnak pawl na ngei ti lo
Na eWIC Card Kilvennak
Ka umnak kaa thial asiloah kaa thleng ahcun zeitin asi lai?
Na umnak naa thial asiloah naa thleng ahcun card ngeitu umnak lam ca peknak zip code cu tharchuah dingcaah na siikhaan cu pehtlai hna. Hihi cu na account ah thlennak pawl tuah asi tikah thleidannak caah hman asi lai.
Ka eWIC card ka thlau/a rawk ahcun zeitin asi lai?
Na eWIC card na thlau asiloah a rawk ahcun, Customer Service cu 1-855-349-1454 ah asiloah siikhaan cu card cancel dingah phone chawnh hna. Cun sii khaan cu card a thar chuah piak dingin pehtlai hna.
Ka eWIC card cu zeitindah ka kilven lai?
Na card cu him tein le thiang tein fim hna.
Card a hnu lei i a nakmi thluan cu aa rin lo dingin chiah hna.
Thathnemnak pawl na hman dih tikah hlonh hna HLAH. Hi card pakhat te hi thla chiar te hman asi.
Kawi, bil asiloah mer, a kua vih, asiloah thli kham ziahnak caah asiloah kutka onnak caah hman HLAH.
Thir dat asiloah mobile phone bantuk electric thilri pawngah chiah hna HLAH.
Ni ah asiloah mawtaw thil chiahnak bantuk a linmi hmun pawl ah kal tak HLAH.
Na Thathnemhnak Pawl Tawlrelnak 
Na thathnemhnak pawl theih hna
Account ah WIC thathnemnak zeitindah ka hmuh khawh lai?
WIC siikhaan na leng lio ah na Indiana eWIC card ah WIC thathnemnak pawl cu na hmuh hna. Atu thathnemnak thla le hmailei thathnemnak thla pawl caah na chungkhar ca i WIC thathnemnak pawl cazin na hmuh lai. Cu nih thathnemnak thla ai thok ni le a dongh ni kha a langh ter.
Ka eWIC card hi hmanthan khawhmi asi maw?
Asi, na eWIC card fim hna. Thathnemnak chuah piak na si fatin, na card cu rawn piak asi lai. Na card cu na hlonh ahcun, a thar pakhat lak than dingcaah siikhaan cu na pehtlai a herh lai.
Ka WIC thathnemhnak pawl a caan a luan lai maw?
Asi, WIC thathnemnak pawl cu chuah piakmi caan chung lawngah hman ding asi. Tahchunhnak ah, aa thawknak ni cu 11/20 a si i a donghnak ni cu 12/19 a si ahcun, thathnemhnak pawl cu cu caan pahnih chungah hman awk a si lai. Asi khawh tikah, dawr ah na thathnemnak hman dingcaah adonghnak ni tiang hngak lo cu a tha bikmi asi. Hman lomi thathnemnak pawl cu Nichuah lei Suimilam Caan (Eastern Standard Time) a donghnak ni zaan tim ah a caan a dih lai.
Dawr Kal
Dawr Na Kal Hlan Ah Na Cazin A Tangmi Cu Thieh Hna
Thathnemnak cazin a tang micu a hnu bik dawr na kalnak cazin zoh in, 1-855-349-1454 ah Customer Service cu phone chawnh in, Card a ngeitu Webstie www.WICConnect.com ah zoh in le Card a ngeitu a then i tang a tummi menu ah Indiana WIC thim in, le INWIC Mobile App i thathnemnak cahmai ah zoh in hmuh khawh asi.
Dawr ka kal lio ah WIC-a si lomi thil cawk ka duh ahcun zeitin a si lai?
Dawr nih an kalpi ning aa dang cio men lai, asinain buaktlak in eWIC card cu WIC thathnemhnak pawl nih a cawk khawhmi eidin pawl caah hman na duh hmasa awk asi. Cu hnu cun adang thil pawl man peknak caah Supplemental Nutrition Assistance Program (SNAP, Thazang Umnak Eidin A Bawmtu Bawmhnak Program) thathnemhnak pawl, laksawng card (gift card), aba cawknak card (debit card), phaisa asiloah check bantuk asi mi adang man peknak phun pawl cu na hman khawh hna.
WIC thathnemhnak pawl cu voikhat ah ka tlanh dih a herh maw?
A herh lo, WIC thathnemhnak pawl cu a caan a ngah chung vial te a herh zat in tlanh khawh asi.
Ka ai ah pakhat khat nih WIC dawr kal piak ka herh ahcun zeitin asi lai?
Pakhatkhat kha na PIN le card na pek sual hna asi ah cun WIC ṭhathnemnak pawl kha an hman khawh caah rak i ralring. Hi ṭhathnemnak pawl hi ai rawlh khawh asi lai LO. Nangamah aiawh in a hman kho lai tiah na thim mi lawng kha na PIN le na kat cu na pek lai.
Biahalnak Pawl
Customer Service Kong Biahalnak Pawl
Website in pehtlai hna
Card A Ngeitu Website cu zeidah asi?
Card A Ngeitu Website cu card a ngeitu caah asi i thathnemhnak le man peknak konglam pawl cu an WIC account ah adang tein zohnak ding asi. Na thathnemhnak kong email in asiloah ca in theihternak caah le WIC program le eWIC card hmannak kong thil konglam theihnak dingcaah min khumhnak zong na tuah khawh lai.
Card A Ngeitu Website cu hihi asi:
Card A Ngeitu a then ah a tanglei a tummi Menu ah Indiana WIC timi thim hna.
Phone in Pehtlainak
Customer Service phone number cu zeitindah asi?
Hi nambar zong hi na eWIC kat a hnu lei ah khin ṭial chih asi ko.
Hi phone nambar hi zarh khat ah ni 7, nikhat ah suimilam 24, chung a lak in chawnh khawh asi.
Customer Service zeitik caan ah chawnh ding asi timi tahchunhnak:
- Na eWIC card cu a tlau asiloah fir piak asi ahcun.
- Na eWIC card cu a rawk asiloah a tha lo ahcun.
- Nangmah theihpinak tel loin pakhat khat nih na eWIC card a hman ahcun.
- Na WIC thathnemhnak a tangmi cazin theih na duh nain siikhaan in asiloah a hnu bik thil cawknak cazin ah cazin a um lo ahcun.
- Na PIN number na philh asiloah PIN number thlen na duh ahcun.
- Na eWIC card he pehtlai in biahalnak pawl na ngei asiloah bawmh na herh ahcun.
Customer Service asiloah card a ngeitu website cu phone ka chawnh lio ah ka WIC account konglam theih dingcaah zeibantuk thil konglam dah ka herh?
- Min
- Chuah Nithla
- Nawlpekmi Aiawhtu a umnak lam ca peknak zip code
Atang lei kong biahal na duh ahcun WIC siikhaan cu pehtlai hna:
- Atu lio eidin thathnemhnak pawl
- Formula thathnemhnak pawl
- Aa thlengmi thathnemhnak pawl
- Na eWIC card thlennak
INWIC app kong adang biahalnak pawl ka ngei ahcun zeidah ka tuah khawh?
Read the “App Reference Guide”:
Hi riantuannak zung cu atlukmi caantha petu asi.
