Kei Cu Na Naute Ka Si
Dawtnak in le a hmanmi rawl in ka than bik.
- Thirdat aa telmi minung hnuk asiloah formula cu kum khat ka tlin hlan tiang ka herh hna. Kum 2 tiang asiloah tam deuh tiang pehzulh in hnuk dinh khawh ka si.
- Ka paw a tam tikah asiloah ka khim tikah ka theih ko. Ka cawlcangnak in kan chimh lai. Pawtam in ka um tikah zangfahnak in ka ei ter. Ka paw a khim tiang ka ei ter.
- Thla 6 hrawng ka si ah thannak caan (growth spurt) ka ngai lai i atu le tu asiloah saudeuh in hnukdinh ka duh lai.
- Khulrang in ka than. Thol i minung hnuk asiloah formula ka din asi ahcun, voikhat din ah 4 ounce nak tam deuh ka din caan zong a um lai.
- Thla 6 ka si tikah, hrai in zeitindah ka din lai timi cawn ka bawm. Rawl ei caan le rawltam riamnak ei caan ah minung hnuk, formula, asiloah ti cu hrai in ka pe.
Nangmah na bawmhnak he Rawl Ei ka cawn lai
Thla 6 ka si tikah, a hakmi rawl ei hram kaa thawk lai. Zangfahnak in duhsah tein kal hna.
Kan chungkhar nih i tlak lomi kan ngei ahcun asiloah tuan tein hrin ka si ahcun, kan ngandamnak zohkhenhtu asiloah WIC cu a hakmi rawl ka ei hlan ah biaruah hna.
Timhcia ka si cang ko timi feh ter hna
A hakmi rawl ei ding caah, hi pawl hi ka tuah khawh a herh:
- Ding tein thut in lu ding tein chiah.
- Thil lak in ka kaa ah chiah.
- Ka kaa an in rawl ka duh timi hmuhsak asiloah cucu keu chung in lak.
- Rawl cu chak than loin dolh.
I Will Go Through 4 Stages of Foods:
1
Smooth: strained or puréed
2
Mashed: smooth with some tiny lumps
3
Chopped: more lumps
4
Pieces of table foods
Rawl Sersiammi
Naute Rawl Dip Tein Chumhmi
rawl a um ciami keu
Thawhpat ziah in zualmi
rialmi a mu
Pawnghmuk a thluan in a ummi
Diced raspberry
Rawhmi, tanmi arsa
Ka Rawl Pakhat Lawng Ka Serpiak Hmasa
- Voikhat ah rawl a thar pakhat lawng ka pe. Hi nih hin rawl a thar he siaremnak kha a ka bawmh.
- Thawk kaa ahcun keu khat tluk lawng ka ei men lai cu hnu cun keu in asiloah rawl lakmi in ka ei deuhdeuh tikah a tam deuh te lai.
Wait at least 5 days before trying another new food.
- Aa khat lomi rawl a phu pawl hna in rawl phun tampi le sersiammi pawl cu pehzulh in ka pe hna.
- Thawchuah har, luak, chungtlik, takvun bo, asiloah phing tibantuk rawl he i tlak lonak hmelchunhnak pawl ngiat hna. Rawl thar cu lehrulhnak a um ahcun, kan ngandamnak zohkhenhtu phone cawnh hna asiloah emergency khaan ah ka kal pi.
Keimah Ka Duh Ningin Ka Ei A Herh
- Rawl ka duh chap rih ahcun ka kaa ka an lai.
- Rawl ka duh ti lo ahcun ka kaa ka cip lai asiloah ka lu ka mer lai; ei dingin ka forh chih hlah.
- Rawl ka chak men lai asiloah ka hmai ka sur men lai. A thawtnak a thar pawl le ka kaa ah rawl zeitindah ka cawl ter hna lai timi ka cawn lio asi.
- Pakhat khat ka duh lo ahcun, zarhkhat hngak law ka ei ter than. Rawl thar cu ka duh hlan ah voi 10 asiloah tamdeuh ei chun ka herh men lai!
- Rawl cu ka kut, ka hmai, le ka sam ah ka neh men hna lai. Fimhnawnnak ruangah lung rawk lo dingin i zuam. Rawl ei ka cawn micu ka aungthlarpi ko.
- Ka kut in asiloah darkeu in keimah tein ka ei ter. Ka kharuh cu rawl mannak caah ka hmang i ka kut le ka lei cu rawl cawl ternak caah ka hman hna.
- Chungkhar rawl ei lio ah keimah he ei. Keimah he na um lio ah tha deuh in ka ei. Bia kan i ruah khawhnak hnga TV le phone cu phit usih.
Ka Kutdong In Rawl Ka Ei Ter
Kut in Thuam
Thla 6 hrawng ahcun, rawl cu ka kut in ka thuam khawh i ka kaa ah ka chiah khawh. Na kutdong tia hrawng asi mi, a saumi a nemmi rawl cu ka pe hna.
Kut in Ceh
Thla 8 asiloah 9 ahcun, ka mehtok (index finger) le ka kutsiapi in zeitindah rawl ka lak lai timi ka cawn lai. Fawi tein man khawhmi na kut tin nak in a ngan deuh lomi rawl a tlang hna cu ka pek hna.
Hi hna hi eichunh dingin ruatmi cheukhat rawl asi:
- Chumhmi tisikanhna pawl le asiloah a nemmi thingthei a tlang pawl
- Chumhmi sa, arsa, arti, pe, asiloah tofu tlang pawl
- Khohsuai asiloah buh tanmi
- Pawnghmuk, a nemmi mexico pawnghmuk, asiloah changreu a pan a carmi ahmi hna
Zeizatdah ka ei awk asi?
Nikhat ah voi 5 asiloah 6 tluk ei ka herh. Formula asiloah minung hnuk cu ka thazang umnak hrampi a biapi bikmi asi peng ko lai. Ka rawl cu minung hnuk asiloah formula asi men ko lai, asiloah bawhte rawl (infant cereal) telhchih in minung hnuk asiloah formula asi ko lai. Rawl phunkhat cu keu 1 asiloah 2 in thawk hmasa hna. Ka duh rih ahcun tamdeuh in ka pe. Ka kheng i a ummi poah ka ei men lai lo. Tamdeuh ei ka thawk tikah, rawl voikhat ei ah rawl phun 2 asiloah 3 in na ka pek khawh. Ka darkeu in rawl ka suah piak law keimah tein ka ei ter.
Mah pawl hi ruahnak cheuhmi cheukhat an si:
Thla 8 - 6
Thla 8 – 10
Thla 10 – 12
Ka khim cang timi hmelchunhnak ka langhter hlan lo ka ei ter ko. Ka hmur kaa cip men lai, ka lu ka mer lai asiloah ka thin lai, asiloah ka kut ka thlir lai. Ka khim maw timi ka hal. Cun, ka duh ko ahcun ka ngol ter.
Hrai Hman Caan
Thla 6 ka si tikah, hrai in ti din ka cawn caah ti thlawmte (nikhat ah 4-8 oz tiang) na ka pek khawh.
Minung hnuk le formula cu hrai in na ka pek khawh thiamthiam. Hi kum tluk caah adang cawhmi hang (beverages), thingthei hang tibantuk, hna cu ka herh hna lo.
Rawl Huhimnak
- Rawl kan ser hlan asiloah ei hlan ah kan kut tawl kan herh.
- Dip tein chumhmi rawl cu ka keu in ka suah piak law keimah tein ka lak ter.
- Ka rawl cu tha tein chumh asi ko timi le na ka pek hlan ah dai ter asi ko timi tha tein zoh hna.
- Microwave ah ka rawl lum hna hlah. Cu nih ka kaa a kangh khawh.
Mipe Thawhpat Theihternak
Adang a hakmi rawl pawl ka hneksak hna hnu in, mipe thawhpat cu theihternak ka tuah hna. Hitin tuahnak nih kan chungkhar cu cuar zawtnak a thakmi asiloah adang takvun lei harnak tibantuk rawl asiloah arti he i tlak lonak kan ngei ahcun bawmtu asi kho.
Changreu a pan a carmi a hme tein pan tein mipe thawpat cu thuh hna law asiloah applesauce he cawh hna law cun ka keu in ka pe. Zeibantuk lehrulhnak hmanh ka ngei lo timi fehter dingcaah suimilam 2 chung ka ngiat.
Hrial Dingmi Rawl Pawl
Ka kum he aa tlakmi le a tha bik in than a ka bawmh dingmi rawl ka herh.
Cini, cite, asiloah adang cawhmi hna cu ka herh hna lo. Thingthei hang pek dingcaah a tlawmbik thla 12 tal hngak hna.
Hibantuk kaa hak kho mi rawl hna cu ka pe hna hlah:
- Tisikanhnah a hring in
- Voksa emmi
- Misur
- Cherry Khazianchinti
- A ruh a ummi nga
- Aalu, fungvoi, asiloah mexico pawnghmuk par
- Kompuah
- Muthai a hakmi
- Thingthei mu
- Hot dog
- Sa tlang
Hibantuk a ka zawt khawhmi rawl hna hi zangfahnak in ka pe hna hlah:
- Caw hnuk asiloah adang cawhnuk in ser lomi pe asiloah almond hnuk bantuk. Hi hnuk nih avoi khatnak ka chuahni hlan tiang ka thannak caah ka herhmi thazang umnak pawl tling tein a ngei lo.
- Sahring Pawl
- Khuaihliti asiloah cu in sermi rawl. Khuaihliti ah naute pawl a zawt ter kho mi rungrul (Clostridium Botulinum) pawl a caan caan ah an i tel. Thla 12 ka si hlan tiang khuaihliti cu na ka ei awk asi lai lo.
Keimah he lente i celh!
Zeltuang ah puan cungah ka chiah. Ka phan khawh lonak ah tunu chiah hna law cun lak dingah ka kal kho lai. Bawlung cu ka hrilh hna. Ka kut hnih in ka tlaih law nangmah he ka kal ter.
Zeidah ka tuah khawh timi zoh hmanh!
Na sin in cawn ka duh. Ca ka rel piak. Hla ka sak piak. Peek-a-boo bantuk lente i celh usih. Lam ka leng pi law thir thar pawl ka hmuhsak hna. Kaa hliphlau tuk – cucaah tha tein ka zoh!
Thla 6 in 9 tiang
Thla 9 in 12 tiang
Thla 6 in 9 tiang
Ding tein ka thu kho i kaa hrilh kho. Lawn hram kaa thawk. Thil cu zeidah a cang timi theih dingcaah thik le thlak ka duh hna.
Thla 9 in 12 tiang
Ka kut hman ka duh. Hrai ka tlaih khawh. Thil sawh piak le bye-bye tuah ka duh. Da-da le ma-ma ka chim. Dir dingah keimah tein kaa dawh khawh.
Him tein le ngandam tein ka chiah
- Dam tein um dingcaah checknak le sii chunh ka herh. Ngandamnak Zohkhenhtu cu thla 6, thla 9, le kum 1 ka si ah ka ton awk asi.
- Ka ei hnu in ka kaa le ka ha cu a thiangmi, a cinmi, a nemmi puan in ka thianh hna. Fluoride (haa bum a khamhtu sii) ka herh maw timi ha sibawi hal hna.
- Midang nih an ka ei ter ahcun, zeidad zeitluk in ka ei timi hal hrimhrim hna.
- Thol he zeitikhmanh ah ihnak ah ka chiah hlah. Kaa hak kho, ka hnakhaw a fak kho, asiloah ka ha a rawk kho.
- Ka hlethlai ter law ka cawn ter. Khaan kip cu keimah bantuk in, zeltuang in zoh law, cun ka caah a himmi si ter.
- Mawtaw kan i cit hlan ah naute thutnak ah thaisawm ka sawmh. Cucu phung asi! Ka thutnak cu mawtaw hnu lei ah bunh hna, hnu lei hoih in.
- Cigarette, sadah, vaping (electric kuak) le adang kuak vialte he aa hlatnak ah ka chiah hna. Kuak nih ka cuap harnak a pek khawh i a ka zawt ter khawh.
- Kan chungkhar ngandam tein le him tein a umnak hnga sahdah asiloah khuhsi in sermi thil pawl, zu, sii hnah carmi, le adang phung a lut lomi sii hna cu hrial hna. Sahdah asiloah khuhsi in sermi thil pawl tonhtilonak ding bawmhnak caah www.quitnow.net ah hin rak zoh hna. Zu asiloah adang si pawl tonhtilonak ding bawmhnak caah www.findtreatment.gov ah hin rak zoh hna. Na Special Supplemental Nutrition Program for Women, Infants and Children (WIC, Nu, Bawhte le Hngakchia caah Pum Thazang Umnak Lei A Bawmtu Special Program) Thazang umnak eidin tirawl lei thiamsang nih adang a herhmi thil hna zong an pek khawh rih.
Hnukdinh bawmhnak caah, na umnak WIC Hnuk a Dinh Vemi Hawikom Ruahnak Cheuhtu asiloah WIC Rianpekmi Hnukdinhnak lei Thiamsang cu pehtlai hna.
Hi riantuannak zung cu atlukmi caantha petu asi.
