Bawhte Rawl Pek Lamhmuhsaknak

Minung hnuk le formula peknak:

Minung hnuk le formula cu na naute a nunnak i ahmasa bik thla 6 caah a herhmi zapi asi. Na naute a rawl rialnak system cu thla 6 asi hlan tiang adang rawl caah timhcia asi rih lo.

Na naute nih a hauh ningin dinh hna, an kut dawp asiloah an hmur cawl ter tibantuk, pawtam hmelchunhnak an langh ter tik ah. An lu mer, an kut dai tein chiah, asiloah an i hngilh tibantuk, paw khimnak hmelchunhnak an langh ter tikah hnukdinh ngol hna.

Thol in na dinh ahcun, voikhat ah tlawmte lawngin dinh hna. Naute cu a lu le a hawng bawmh in, ding nawn in chiah hna. Thol doh hlah. Thol cu ding tein, aa tlarmi dirhmun in na tlaih lai cuticun hnukhmur ah hnuk a cheu lawng a khat lai. Hnukhmur cu naute bel asiloah a hmur ah tongh ter law an kaa kau piin a an micu hngak hna. Thol cu nam chih hlah. Naute nih a tlaih hnu in, it ter than hna hlah asiloah thol cu a cunglei ah cawi hlah. Naute aa dinmi cu zoh law i din ter dingcaah thol cu niam ter law cuticun hnukhmur cu a lawng lai asinain a kaa ah a tang ko lai. Na naute cu dawp a ngol, aa mer tak, asiloah aa hngilh ahcun dinh ngol hna. Naute cu thol khat din dih dingin zeitik hmanh ah hnek hlah.

Rawl a hakmi peknak:

Na naute cu rawl a hakmi pek dingcaah hitiang hngak hna:

• A thu kho tiang le a lu a cawi kho tiang.
• Rawl an hmuh tikah a kaa a an tiang.
• Keu pawngkam ah an hmur an cip kho tiang.

Pum he i tlak lonak a ngei maw timi ngiat dingcaah voikhat ah rawl a thar pakhat in pek hna.
Rawl he i tlak lonak ah khak aw he har ngai in thawchuah, takpum bo, asiloah chungtlik pawl aa tel men lai.

Kum khat tang naute nih khuaihliti, caw hnuk asiloah hnuk in ser lomi dinmi adang pawl, asiloah a hakmi thingthei asiloah mitsur bantuk i haknak a chuah ter khawhmi eidin cu an ei awk asi lai LO.