Fason pou Nouri
yon Tibebe ki gen
Ant 0 ak 3 Mwa
Fason pou Nouri yon Tibebe ki gen Ant 0 ak 3 Mwa
Vant tibebe ki fenk fèt yo piti anpil. Se sa ki fè ou dwe nouri yo souvan. Ofiyamezi tibebe yo ap grandi, vant yo kapab pran plis lèt. Kidonk, ka vin gen plis espas ant lè pou nouri yo epi sa ka pran mwens tan. Pandan premye semèn yo, ou ka oblije reveye tibebe w la pou nouri l si li dòmi pandan plis pase 4 èdtan.
Si w ap ba li lèt manman nan yon bibwon, li itil pou ofri li ti kantite alafwa pou ka imite fason tibebe a te ka nouri nan tete a. Epitou, alètman nan bibwon ki mezire ap pèmèt tibebe a manje pi dousman epi l ap anpeche li bwè twòp lèt.
Lèt Manman Klike la a
Bay tete chak 1 èdtan edmi (½) ak 3 èdtan, oswa 8 a 12 fwa pa jou.
Si se nan bibwon ou nouri li, ba li yon ti kantite alafwa, anviwon 2 a 3 oz.
Lèt nan Bwat pou Tibebe Klike la a
Lè tibebe a fenk fèt, li sèlman bezwen 1 a 2 ons lèt nan bwat ki gen anpil fè ladan l alafwa. Apre premye jou yo, tibebe ki fenk fèt yo bwè an jeneral 2 a 3 ons lèt nan bwat chak 3 a 4 èdtan.
Anvan premye mwa a fini, tibebe w la ka bwè jiska 4 ons chak 4 èdtan.
6 a 8 liv: 15 a 20 ons pa jou
8 a 10 liv: 20 a 25 ons pa jou
10 a 12 liv: 25 a 32 ons pa jou
Fason pou Nouri yon
Tibebe ki gen Ant 4 ak 5 Mwa
Fason pou Nouri yon Tibebe ki gen Ant 4 ak 5 Mwa
Ou ka kòmanse nouri tibebe w la selon yon orè. Olye ou konsantre w sou kantite ki fiks, kite tibebe w la fè w konnen lè li pa ka pran ankò.
Pandan pouse kwasans yo, ant 2 ak 4 semèn, 6 semèn, 3 ak 4 mwa, ak 6 mwa, tibebe w la ka bezwen manje pi souvan.
Lèt Manman Klike la a
Bay tibebe w la tete lè li mande w, omwen 7 a 9 fwa pa jou.
Si se nan bibwon ou nouri li, ba li yon ti kantite alafwa, anviwon 4 a 6 oz.
Lè tibebe w la kòmanse pouse dan, li ka bezwen tete pi souvan.
Lèt nan Bwat pou Tibebe Klike la a
Tibebe w la bezwen apeprè 4 a 6 ons lèt nan bwat ki gen anpil fè chak 3 a 4 èdtan, sa ki fè antou 25 a 45 ons pa jou.
Anvan dan yo soti, siye jansiv li avèk yon debabouyèt mou ki pwòp chak lè ou fin nouri l, sitou anvan li al kouche.
Fason pou Nouri yon
Tibebe ki gen Ant 6 ak 7 Mwa
Fason pou Nouri yon Tibebe ki gen Ant 6 ak 7 Mwa
Ba l gwo manje nan yon kiyè oswa ak dwèt ou. Mete manje a nan kiyè a epi kite tibebe w la mete l nan bouch li. Pa ba li manje ni sereyal nan bibwon.
Lèt manman Klike la a
Kontinye ba li tete lè li mande w, omwen 4 a 6 fwa pa jou.
Si tibebe w la sanble pa twò enterese nan tete a apre w fin fouye li nan gwo manje, eseye ba li tete anvan w ba li gwo manje.
Tibebe yo ka gen pouse kwasans lè yo gen anviwon 6 mwa epi yo ka manje pi souvan.
Eseye ba l lèt manman nan yon ti gode.
Lèt nan Bwat pou Tibebe Klike la a
Ba li 24 a 32 ons lèt nan bwat ki gen anpil fè pa jou.
Ba l lèt la nan yon ti gode.
GrennKlike la a
Itilize lèt manman oswa lèt nan bwat pou prepare 2 a 4 gwo kiyè sereyal tibebe ki gen anpil fè. Ba li l de (2) fwa pa jou.
2 a 4 gwo kiyè pen sèk, bonbon sèl tibebe, ak sereyal. Ba li l de (2) fwa pa jou.
Legim Klike la a
4 a 8 gwo kiyè pa jou.
Legim ki kuit, pire, kraze.
Fwi Klike la a
4 a 8 gwo kiyè pa jou.
Fwi ki kuit, pire, kraze.
Sòs pòm, pèch ki pire, oswa fig mi ki kraze.
Pwoteyin Klike la a
2 a 4 gwo kiyè pa jou.
Vyann, vyann bèt volay, ze, pwason oswa legiminez san melanj ki pase nan paswa, ki kraze oswa pire.
Yogout ki fèt ak lèt antye ki fen.
Bonbon sèl ki bere ak ti kouch manba ki swa epi ki epè oswa ki melanje avèk sòs pòm ak kanèl, epi ki simaye sou pen an.
Men kèk egzanp ki montre aparans pòsyon repa ak ti goute a ka genyen nan asyèt mwen.
Manje maten
3 gwo kiyè fig mi kraze
Lèt manman oswa lèt nan bwat
2 gwo kiyè sereyal tibebe ki prepare
Manje midi
3 gwo kiyè moso patat tranche ki kuit nan fou
Lèt manman oswa lèt nan bwat
3 gwo kiyè pire vyann poul
Ti goute
3 gwo kiyè pòm tranche ki kuit nan fou
Lèt manman oswa lèt nan bwat
Manje aswè
3 gwo kiyè pwa frans kuit ki kraze
2 gwo kiyè pen konplè griye
Lèt manman oswa lèt nan bwat
Fason pou Nouri yon
Tibebe ki gen Ant 8 ak 9 Mwa
Fason pou Nouri yon Tibebe ki gen Ant 8 ak 9 Mwa
Ofiyamezi tibebe w la ap grandi epi aprann nouvo teknik lamanjay, eseye konsistans ak manje ki diferan.
Lèt Manman klike la a
Kontinye ba li tete lè li mande w, omwen 4 fwa pa jou.
Si tibebe w la sanble pa twò enterese nan tete a apre w fin fouye li nan gwo manje, eseye ba li tete anvan w ba li gwo manje.
Ba l lèt manman nan yon ti gode.
Lèt nan Bwat pou Tibebe klike la a
24 a 32 ons pa jou.
Ba l lèt la nan yon ti gode.
Grenn Klike la a
4 a 8 gwo kiyè pa jou.
Sereyal tibebe ki gen anpil fè san melanj.
Diri oswa pat alimantè san melanj.
Bonbon sèl tibebe, ti moso pen, oswa tòtiya ki mou.
LegimKlike la a
8 a 12 gwo kiyè pa jou.
Ti moso legim san melanj ki kuit.
Fwi Klike la a
8 a 12 gwo kiyè pa jou.
Ti moso fwi mou ki kale.
Fwi nan bwat konsèv ki pa sikre.
Pwoteyin Klike la a
4 a 8 gwo kiyè pa jou.
Vyann, vyann bèt volay, ze, pwason ki moulen fen, rache, oswa koupe an kib, oswa pwa ki kuit.
Fwomaj lèt kaye oswa fwomaj lejè.
Ti kouch manba ki swa epi ki epè.
Men kèk egzanp ki montre aparans pòsyon repa ak ti goute a ka genyen nan asyèt mwen.
Manje maten
Lèt manman oswa lèt nan bwat
2 gwo kiyè ti moso pen ki fèt ak ble
2 gwo kiyè ze bwouye
Manje midi
4 gwo kiyè franbwaz rache
5 gwo kiyè pwa vèt ki kuit epi ki rache
Lèt manman oswa lèt nan bwat
2 gwo kiyè vyann poul ki kuit epi ki rache
Ti goute
2 gwo kiyè kiwi rache
Lèt manman oswa lèt nan bwat
3 gwo kiyè tòtiya mayi ki koupe
Manje aswè
4 gwo kiyè pwa frans nan bwat konsèv ki rache epi ki pa sikre
5 gwo kiyè bwokoli ki kuit epi ki koupe
Lèt manman oswa lèt nan bwat
3 gwo kiyè pat alimantè konplè ki kuit
2 gwo kiyè pwa nwa ki kuit
Fason pou Nouri
yon Tibebe ki
gen Ant 10 ak 12 Mwa
Fason pou Nouri yon Tibebe ki gen Ant 10 ak 12 Mwa
Lèt manman se sous nitrisyon ki pi enpòtan pou tibebe w la, menm lè w kòmanse ba li gwo manje. Kòmanse bay tibebe w la lèt antye lè li gen yon (1) lane.
Lèt Manman klike la a
Kontinye ba li tete lè l mande, 3 fwa pa jou oswa plis.
Lèt nan bwat pou tibebe klike la a
16 a 24 ons pa jou.
Ba l lèt la nan yon ti gode.
Grenn Klike la a
4 a 8 gwo kiyè pa jou.
Sereyal ki pa sikre, ki melanje, epi ki gen anpil pwoteyin.
Pen griye sèk, bonbon sèl, pen, bagel, ti pen, oswa ponmkèt san melanj.
Diri ak makawoni ki kuit.
Legim Klike la a
8 a 12 gwo kiyè pa jou.
Ti moso legim ki kuit.
Fwi Klike la a
8 a 12 gwo kiyè pa jou.
Fwi fre, ki kale, epi ki an ti moso.
Pwoteyin Klike la a
4 a 8 gwo kiyè pa jou.
Vyann, vyann bèt volay, ze, pwason ki moulen fen, rache, oswa koupe an kib, oswa pwa kraze ki kuit.
Men kèk egzanp ki montre aparans pòsyon repa ak ti goute a ka genyen nan asyèt mwen.
Manje maten
3 gwo kiyè franbwaz ki koupe an kib
Lèt manman oswa lèt nan bwat
2 gwo kiyè sereyal sèch
Manje midi
3 gwo kiyè pèch nan bwat konsèv ki koupe an kib epi ki pa sikre
4 gwo kiyè bwokoli kuit ki koupe an kib
Lèt manman oswa lèt nan bwat
3 gwo kiyè somon ki nan bwat konsèv
Ti goute
4 gwo kiyè sòs pòm
3 gwo kiyè kawòt rache ki kuit
Lèt manman oswa lèt nan bwat
4 bonbon sèl konplè
Manje aswè
3 gwo kiyè legim melanje ki kuit
Lèt manman oswa lèt nan bwat
3 gwo kiyè makawoni rache ki kuit
3 gwo kiyè pwa pinto kuit ki kraze
Konsèy
Konsèy
Fason pou bay tibebe a lèt manman ak lèt nan bwat:
Lèt manman oswa lèt nan bwat se tout sa tibebe w la bezwen pandan sis (6) premye mwa yo nan lavi l. Sistèm dijestif tibebe w la pa pare pou l resevwa okenn lòt bagay toutotan l poko gen 6 mwa anviwon.
Nouri tibebe w la lè l mande w, lè li montre siy ki di li grangou, tankou lè l souse men l oswa bat bouch li. Sispann nouri li lè l montre siy ki di vant li plen, tankou lè l vire tèt li, lache men l, oswa dòmi pran li.
Si se nan bibwon ou nouri li, ba li yon ti kantite alafwa. Kenbe tibebe a nan yon pozisyon ki prèske vètikal pandan w ap sipòte tèt li ak kou l. Pinga ou soutni bibwon an. Kenbe bibwon an nan yon pozisyon plat, sou kote yon fason pou tetin nan plen lèt a mwatye. Kole tetin lan nan machwè oswa nan po bouch anlè tibebe a epi tann li ouvri bouch li laj. Pinga ou fòse bibwon an. Lè tibebe a pran bibwon an, pa kage l pa dèyè epi pa panche bibwon an anlè. Siveye lè tibebe a pran poz epi bese bibwon an yon fason pou tetin nan ka vid men pou l rete nan bouch li pou ba li kèk poz. Si tibebe a sispann souse, li vire tèt li, oswa dòmi pran li, retire bibwon an nan bouch li. Pinga ou janm fòse tibebe w la fin bwè yon bibwon.
American Academy of Pediatrics rekòmande pou manman yo bay tibebe yo tete sèlman pandan premye sis (6) mwa yo epi pou yo kontinye bay tete pandan 2 lane oswa plis, si manman yo ak tibebe yo vle.
Fason pou bay gwo manje:
Tann pou bay tibebe w la gwo manje lè:
- Li kapab leve chita epi kenbe tèt li poukont li.
- Li ouvri bouch li lè l wè manje.
- Li kapab fèmen yon kiyè nan bouch li.
Eseye yon nouvo manje alafwa pou ka siveye alèji yo.
Alèji ak manje ka gen ladan l souf anlè, gratèl, oswa dyare.
Tibebe ki poko gen yon (1) lane yo PA ta dwe konsome siwo myèl, lèt bèf oswa lòt bwason ki pa pwodui lèt, oswa manje ki kapab lakoz yon trangle tankou fwi sèk oswa rezen antye.
Tout bebe yo diferan.
Pale avèk Special Supplemental Nutrition Program for Women, Infants and Children (WIC, Pwogram Nitrisyon Siplemantè Espesyal pou Fanm, Tibebe ak Timoun) oswa pwofesyonèl swen sante tibebe w la sou bezwen tibebe w la genyen yo.
Premye Siyal yo
Mwen Grangou klike la a
-
L ap bouje -
Bouch li ap louvri -
L ap vire tèt li pou l chèche pwent tete a
Vant mwen plen klike la a
-
L ap souse tou dousman oswa li sispann souse -
Men l oswa bra l lage -
Li vire do l oswa li pouse kò l
Fason pou Fouye Tibebe a nan Manba:
Selon rechèch yo, lè ou eseye bay yon tibebe manba, sa ka pèmèt li evite fè alèji ak pistach pi devan nan lavi l. Li kapab sitou enpòtan pou fanmi ki fè alèji ak manje oswa alèji ki gen rapò ak ze, tankou egzema oswa lòt pwoblèm po. Pale avèk doktè tibebe w la pou konnen fason pou fouye li nan manba si fanmi ou gen youn nan pwoblèm sante sa yo.
Fouye tibebe w la nan manba lè li gen anviwon 6 mwa, lè li fin goute lòt gwo manje yo. Siveye tibebe w la pandan de (2) èdtan pou wè si l ap fè yon reyaksyon apre li fin goute li.
Melanje manba a avèk dlo, lèt nan bwat, lèt manman, oswa manje::
- 2 ti kiyè manba fen avèk 2 a 3 ti kiyè dlo, lèt nan bwat, oswa lèt manman tyèd. Kite l refwadi anvan w ba li l.
- Melanje 2 ti kiyè manba nan 2 a 3 gwo kiyè manje tankou sereyal tibebe oswa fwi, legim, vyann poul ki pire, oswa tofou.
- Mete yon vyepti kouch manba sou yon bonbon sèl oswa yon ti baton pen griye.
Enstitisyon sa a ofri tout moun menm opòtinite.
