Yon papa ki enplike enpòtan pou premye mwa ak premye ane tibebe a sou tè a.
Menm lè papa a p ap viv nan kay la, tibebe ki gen papa ki enplike yo ak tout nanm yo vin tounen timoun ak granmoun ki pi an sante, ki gen plis kè kontan, epi ki fè plis siksè. Tibebe yo dwe kreye yon lyen solid avèk paran yo, sa vle di avèk papa yo, tou.
Se yon gwo chanjman pou tout moun lè yon nouvo bebe antre nan kay la. Gen plizyè mannyè papa yo kapab ede manman yo ak tibebe a lè yo vini sot lopital la.
Kò manman mwen sibi anpil chanjman pandan gwosès la. Sa ka pran yon ti tan pou li retounen jan l te ye a. Montre koutwazi, pasyans ak sipò.
h2 hide
Limite kantite vizitè yo
Fè moun ki malad yo rete lwen tibebe w la.
Travay chak jou yo
Ede fè manje, netwaye, ak fè lesiv.
Voye je sou manman m
Si l santi l deprime oswa enkyè, ankouraje l chèche èd epi sipòte l.
Depresyon afekte jiska 25% papa pandan gwosès madanm yo oswa nan premye ane apre nesans tibebe a.
Si ou menm oswa manman tibebe w la gen kè kase, ou santi w deprime, oswa ou panse fè tèt ou oswa tibebe w la mal, chèche èd lapoula. Pale avèk pwofesyonèl swen sante w la. Depresyon ki pa trete a ap rèd pou tibebe w la, fanmi w, ak ou menm.
Rele nan 1-800-273-8255 oswa rele oswa voye mesaj tèks nan 988 pou jwenn sipò emosyonèl konfidansyèl 24 sou 24, 7 jou sou 7.
Fè timoun ki pi gran yo ede mete kouchèt sou tibebe a, souri ba li, oswa fè lekti pou li pou ka pase yon bon moman avèk yo.
Sipò pou Alètman
Alètman se pi bon mwayen pou bay tibebe w la manje. Li gendwa difisil okòmansman. Kidonk, bay manman an anpil ankourajman ak sipò.
- Tibebe ki fenk fèt yo tete tout lajounen ak lannuit anviwon 8 a 12 fwa pa jou. Yo p ap suiv yon orè epi yo renmen tete souvan.
- Pifò tibebe megri nan premye semèn nan, se yon bagay ki nòmal. Si tibebe w la tete souvan, li ap repran pwa li te genyen lè l te fèt la anvan 14 jou.
- Bay manman an dlo ak manje ki bon pou lasante. Mete ti goute tankou pen ak manba, ba granola, ak fwi sèk toupre manman an.
-
Si manman an ap ponpe lèt la, ede li lave ak dezenfekte pyès ak bibwon ponp lan.
Special Supplemental Nutrition Program for Women, Infants and Children (WIC, Pwogram Nitrisyon Siplemantè Espesyal pou Fanm, Tibebe ak Timoun) la pou li kore w. Rele pou poze nenpòt kesyon oswa pou jwenn plis sipò pou alètman.
Poukisa pou Bay Tete?
Li gratis!
Li pratik (pa gen bibwon, pa gen dezòd, epi li toujou anba men w).
Manman k ap bay tete yo pi an sante.
h4 hide
Kat (4) tibebe sou senk (5) ki fèt nan Eta Indiana tete manman yo.
Vomi – Fè Rann Gaz – Poupou nan Kouchèt
Tibebe w la fenk antre nan zafè bwè lèt manman oswa lèt nan bwat. Tibebe yo vomi mwens epi yo mande pou fè yo rann gaz mwens ofiyamezi y ap grandi.
Vomi
- Tibebe yo kapab vomi souvan.
- Tibebe yo vomi mwens si yo kalm lè y ap manje.
- Tibebe yo vomi mwens lè yo sispann manje lè vant yo plen. Suiv siyal grangou tibebe w la pou ede redui vomisman.
- Fè l fè 30 minit nan yon pozisyon vètikal apre chak tete li fin fè.
Pale ak Nitrisyonis WIC ou a oswa pwofesyonèl swen sante w la si kantite vomi tibebe w la bay chak lè l tete a ba w pwoblèm.
Fè Rann Gaz
- Lè antre anndan tibebe yo lè y ap manje. Si yo valè twòp lè, yo gendwa bezwen rann gaz.
- Tann lè yo sispann manje pou fè yo rann gaz.
- Kenbe yo avèk vant yo apiye sou pwatrin ou oswa jenou w epi tape oswa fwote do yo dousman.
Poupou nan Kouchèt
Met gason sou ou pou chanje kouchèt!
Pou tibebe ki nan tete yo:
- Pandan premye semèn nan, poupou ki nan kouchèt tibebe ki nan tete yo chanje koulè, li soti nan koulè nwa ki atire sou vèt li vin jòn pal, li mou, epi li sanble ak ti grenn. Nan premye jou yo ak premye mwa a, kouchèt yo ka sanble ak tablo sa a.
Pou tibebe ki gen plis pase yon mwa k ap bwè lèt nan bwat epi ki nan tete:
- Tibebe yo ka gwonde epi figi yo ka vin tou wouj lè yo poupou.
- Gen kèk tibebe ki ka poupou yon (1) fwa oswa de (2) fwa pa jou.
- Gendelè yo fè yon (1) jou oswa de (2) jou san poupou. Se nòmal.
- Si w gen enkyetid sou poupou ki nan kouchèt tibebe w la, rele pwofesyonèl swen sante w la oswa biwo WIC ki nan zòn ou an.
| Laj Tibebe a | Mouye | Poupou |
|---|---|---|
| 1 jou (Birthday) |
|
|
| 2 jou |
|
|
| 3 jou |
|
|
| 4 jou |
|
|
| 5 jou |
|
|
6 jou |
|
|
7 jou |
|
|
Moman Tibebe a pase avèk Papa l
Se Moman pou mete l sou vant!
Lè tibebe w la kouche sou vant, sa ap ranfòse misk ki nan kou l ak zepòl li yo. Konsidere sa kòm egzèsis li fè chak jou pandan l ap prepare li pou l fè gwo mouvman tankou woule, chita, ak rale.
- Pase detwa minit atè a avèk tibebe w la chak jou.
- Lè li leve tèt li, souri ba li epi fè grimas ak figi w ba li.
Fè jwèt kache figi.
Pale ak tibebe w la epi fè grimas pandan w ap chanje kouchèt li.
Al pwomennen.
Rete aktif—soti deyò a bon pou tout moun!
Pran tan pou fè lekti pou tibebe w la epi fè ti pale ak li.
Sèvo li ap aprann nouvo mo chak jou depi premye jou l fèt la.
Fason pou Pwoteje Tibebe Ou An
- Li enpòtan pou mennen tibebe w la nan tout randevou doktè yo epi pou li pran tout vaksen yo. Ale sou www.cdc.gov/vaccines/schedules pou w konnen ki lè tibebe w la dwe pran vaksen yo.
- Toujou rete bòkote pitit ou a lè li nan benwa a oswa toupre dlo a.
- Pwòpte jansiv tibebe w la avèk yon twal pwòp ki mouye pou fè l abitye ak aktivite bwose dan an.
Syèj machin pou timoun
- Tache li nan yon syèj machin pou timoun anvan w mete l machin nan.
- Retire tout vès oswa rad ki lou anvan w tache tibebe a ladan l. Itilize yon lenn nan plas syèj la pito.
- Konnen ki jan pou w enstale syèj la epi tache senti sekirite a byen sou tibebe w la. Asire w arèt pwatrin lan nan nivo anbabra a.
- Retire tibebe w la sou syèj la lè w rive kote w prale a, sitou si li nan dòmi.
- Paramèt, pozisyon, ak kalite syèj la ap chanje ofiyamezi tibebe w la ap grandi.
Dòmi San Danje
Toujou mete tibebe w la kouche sou do sou yon matla ki fèm san lenn ni zòrye. American Academy of Pediatrics rekòmande pou tibebe yo dòmi nan menm chanm ak paran yo nan yon bèso oswa kabann apa jiskaske yo gen omwen 6 mwa.
Pitit ou a konte sou ou pou l an sante epi pou l rete an sante.
- Pa konsome dwòg, alkòl, ni fimen lakay ou oswa bòkote pitit ou a.
- Si w fimen deyò, retire premye kouch rad ki sou ou a oswa chanje rad anvan w kenbe tibebe w la nan bra w.
- Pou w jwenn èd pou kite fimen, ki gen ladan l ankadreman gratis, yon plan kite fimen gratis, materyèl edikatif gratis, ak referans pou resous lokal yo, rele nan 1-800-QUIT-NOW (1-800-784-8669).
Resous pou Papa yo
National Fatherhood Initiative (Inisyativ Nasyonal pou Papa)
National Responsible Fatherhood Clearinghouse (Biwo Enfòmasyon Nasyonal pou Papa ki Responsab)
- Chèche pwogram inisyativ pou papa yo nan pwogram Head Start (Lekòl Matènèl) oswa sistèm lekòl ki nan zòn ou an.
Enstitisyon sa a ofri tout moun menm opòtinite.
