h2 hide
Chè Papa,
Ou jwe yon wòl enpòtan nan devlopman kò ak lespri pitit ou a.
Kit ou wè pitit ou a chak jou kit ou ap viv nan yon lòt kay, lè w enplike ak tout fòs ou nan lavi pitit ou a, sa ap fè yon gwo diferans. Lè w prezan epi w enplike ou, sa ap pèmèt li vin tounen yon timoun ak granmoun ki pi an sante, ki gen plis kè kontan, epi ki fè plis siksè.
Kalite moman ant papa ak pitit ou pase avèk pitit ou a pi enpòtan pase kantite èdtan ou pase avèk li. Kalite relasyon ou genyen avèk pitit ou a fè enpak dirèk sou amoupwòp li.
Timoun ki grandi avèk yon papa ki enplike li:
gen 39%
plis chans pou yo
fè nòt
A souvan nan lekòl
2fwa
2 fwa
plis chans pou yo ale nan kolèj oswa inivèsite epi jwenn yon travay ki estab apre etid segondè yo
- Pa konpare tèt ou ak papa w oswa lòt papa ki nan antouraj ou yo. Se OU MENM pitit ou a admire!
Ede Mwen Aprann
Timoun yo aprann lè y ap gade paran yo. Timoun ki gen yon papa ki enplike ak tout nanm li nan sa pitit li ap aprann chak jou gen plis chans pou yo:
-
pare pou yo kòmanse ale
lekòl -
rezoud pwoblèm
pi byen -
pi emab ak lòt
moun
Timoun ki grandi avèk yon papa ki enplike li gen 60% mwens chans pou yo mete yo deyò oswa voye yo tounen lekòl.
Yon paran se premye pwofesè yon timoun. Ou ka pa rann ou kont, men ou jwe wòl pwofesè pou pitit ou a chak jou ak bagay senp ou fè yo.
Men fason ou kapab ede pitit ou a aprann:
- Lè w pale de anviwònman ou pandan w ap regle aktivite w.
- Lè w endike epi di koulè, son animal, lèt, ak chif ou wè ak tande yo.
-
Lè w ansanm avèk li pou fè aktivite chak jou yo tankou manje manje aswè, jwe deyò, fè lekti, oswa gade televizyon.
Diminye moman nou pase devan ekran an pou n konsantre nou youn sou lòt.
Kit ou ap ankouraje l fè jwèt imijinasyon kit ou ap fè lekti pou li, lefètke nou ansanm, sa ap ede pitit ou a santi l pi kalm epi gen plis kè kontan.
Moman pou Jwe
Timoun yo aprann lè yo jwe. An jeneral, fason papa yo jwe pa menm ak fason manman yo jwe, e se pa yon pwoblèm!
Papa yo gen tandans ankouraje jwèt ki pi fizik ki montre timoun yo jan pou yo:
- Kontwole santiman kolè yo.
- Ankouraje yo fè konpetisyon ak pran risk.
- Jere kontak fizik pandan yo ap kontwole emosyon yo.
Lè w fè aktivite avèk pitit ou, sa ap pèmèt zo li yo vin pi djanm, sa ap ranfòse misk li, epi pèmèt sèvo li devlope.
Men kèk aktivite amizan pou fè avèk pitit ou a:
- Fè jwèt ki fè l aktif tankou lago kache, lago, jwèt "Simon Says", oswa fè yon kous.
- Al monte bisiklèt ansanm.
- Pratike aktivite lanse oswa choute balon.
- Ale nan pak la pou nou ka jwe sou teren jwèt la.
- Timoun yo bezwen rete aktif pandan tout jounen an.
An n Manje
Bay timoun piti manje se yon bagay ki difisil. Li fasil pou w prezan bò tab la. Lè papa a prezan nan moman repa a, sa enpòtan pou timoun nan.
Moman repa a se yon bon moman pou aprann plis bagay sou pitit ou a. Mande pitit ou a pale de jounen l, zanmi li yo, epi mande l ki jan l santi l. Sa montre pitit ou a ou sansib pou li epi li merite tan w ak atansyon w.
Men kèk bagay ou kapab fè pou w kreye kèk souvni nan moman repa yo.
- Manje ansanm an fanmi.
- Fè pitit ou yo ede w fè manje. Yo kapab lave, mezire, ajoute, ak bwase engredyan yo.
- Fòk ou se yon modèl! Manje menm bon manje ou ofri pitit ou a.
- Chanje kote nou manje, pa egzanp, nou ka al manje nan restoran, fè piknik, oswa nou ka menm chita bò ti tab la avèk kousen pou chèz yo.
- Kite ekran yo fèmen epi mete yo kote je p ap wè yo pou ankouraje plis konvèsasyon pandan moman repa yo.
Lè papa yo prezan oswa enplike yo, timoun yo gen
2fwamwens risk pou yo vin obèz.
Pwoteje Bèl Ti Dan Sa Yo K Ap Soti
Sante dan gen menm enpòtans ak sante fizik. Bay koutmen pa w pou dan pitit ou a rete an sante.
- Bwose dan li de (2) fwa pa jou (menm si l gen sèlman 1 oswa 2 dan). Mande pwofesyonèl swen sante oswa dantis pitit ou a ki kalite pat dantifris pou l itilize.
- Tanmen yon woutin kote ou menm ak pitit ou a bwose dan nou ansanm lematen ak lè nou pral kouche. Li kapab twouve li amizan epi li kapab wè jan pou l bwose dan li fason ki apwopriye a.
- Ba li dlo sèlman ant repa yo ak ti goute yo. Pitit ou a pa bezwen bwason ki dous tankou soda ak Kool-Aid. Limite kantite ji pitit ou a bwè chak jou.
Sante ak Sekirite
Depi yon timoun kòmanse bouje, ou gen lenpresyon li pa janm kanpe. Pitit ou a aprann fè plis bagay chak jou. Sa vle di ou gendwa oblije fè plis jefò toujou pou w pwoteje li.
- Fè pitit ou a mete yon kas lè li kòmanse monte bisiklèt oswa twotinèt. Montre li ou se yon bon modèl epi mete kas pa w tou!
- Toujou rete bòkote pitit ou a lè li nan dlo oswa toupre dlo, tankou douch, pisin, oswa lak.
- Asire w pitit ou a pran tout vaksen yo rekòmande yo. Ale sou www.cdc.gov/vaccines/schedules pou wè ki lè pitit ou dwe pran vaksen. Rele doktè ou si w pa konnen ki vaksen pitit ou a bezwen.
- Siveye pitit ou a deprè pou w pwoteje l lè li an kontak ak dlo.
Syèj Machin pou Timoun
American Academy of Pediatrics rekòmande pou w itilize syèj machin pou timoun yo sèlman lè w ap deplase nan machin. Li rekòmande pou w retire tibebe w la sou syèj la lè w rive kote w prale a, sitou si li nan dòmi.
- Itilize yon syèj machin pou timoun chak lè w ap deplase, kèlkeswa distans lan.
- Itilize yon syèj machin pou timoun selon tay ak laj pitit ou a. Ou kapab souvan jwenn enfòmasyon sa yo sou syèj la li menm.
- Ofiyamezi pitit ou a ap grandi, paramèt, pozisyon, ak kalite syèj la ap chanje.
- Aprann fason pou enstale syèj la kòmsadwa. Tache tibebe w la oswa pitit ou a nan bon fason an.
– Lànyè yo ta dwe sere.
– Arèt ki glise a ta dwe nan nivo anbabra a.
– Syèj machin pou timoun nan ta dwe fè yon ti mouvman lè w pouse l toude bò yo.
Pou w jwenn plis enfòmasyon sou sekirite syèj machin pou timoun, ale sou:
Mete pitit ou a nan yon syèj machin kote fas li bay sou dèyè jiskaske li gen omwen 2 lane. Pinga ou kouri pase nan yon syèj machin ki gen fas ki bay sou devan oswa yon syèj ki ka wose menm si ou gen yon gwo pitit.
Pinga ou janm mete timoun yo chita devan yon èbag. Èbag yo kapab touye timoun piti ki chita devan machin nan. Pinga ou janm mete yon syèj machin pou timoun fas li bay sou dèyè devan yon èbag.
Resous pou Papa yo
National Fatherhood Initiative (Inisyativ Nasyonal pou Papa)
National Responsible Fatherhood Clearinghouse (Biwo Enfòmasyon Nasyonal pou Papa ki Responsab)
- Chèche pwogram inisyativ pou papa yo nan pwogram Head Start (Lekòl Matènèl) oswa sistèm lekòl ki nan zòn ou an.
Enstitisyon sa a ofri tout moun menm opòtinite.
