Hnukdinh
Na fa ngandam tein le him tein chiah dingcaah hnukdinh le him tein it cu hmunkhat ah rian an tuan ti.
Hnukdinhnak
- Na fa pacifier (hngakchia ngamnak caah kaa i bunhmi) peknak nih SIDS phannak cu a zor ter men lai, asinain pacifier hman dingcaah nangmah le na fa cu hnukdinhnak ah nan tluangtlam tiang hngah awk asi lai.
- Na hnuk nih na fa cu thazang a pek i nuam tein le dam tein a chiah hna. Nangmah ngandamnak ca zongah a tha ve!
- Hnuk dinhmi hngakchia cu Sudden Infant Death Syndrome (SIDS, Ruah lo piin Bawhte Thihnak Hmelchunhnak) si khawhnak a tlawm deuh.
- Hmasa bik thla ruk hicu nu hnuk lawnglawng pek hi a tha bik. Kum 2 le a lenglei tiang pehzulh in nu hnukdinhnak nih (thla ruk ah rawl fonh piak chih in) a thatnak tampi kha a karh ter.
Him tein Itnak
- Na fa cu a voi khatnak a chuahni tiang caan tawite asi ah zaan ah asi ah, zeitik caan poah ah a keng lei in na chiah peng lai.
- Na fa cu nau thlimnak bawm, nau ihnak, asiloah thial khawhmi nau thlimnak bawm ah a fekmi ihphah le aa rengh i a zami a khuh ah na chiah lai.
- Chantling, puan, a nemmi tunu pawl asiloah nau thlimnak bawm a kham a ummi cu hngakchia a ihnak hmuh khoikaa hmanh ah hman lo ding asi lai. A herh ahcun, puan ai ah hngakchia ihnak (sleep sack) tu hman hna.
- Buaktlak in, a him lomi ihnak ruangah Indiana ah zarhkhat ah hngakchia pahnih an thi. Him tein Ihnak ABC pawl le him tein hnukdinhnak zulh in na fa cu na ven khawh.
-
Hngakchia caah him tein ihnak kong hlethlai chap dingah hi ka ah hin rak leng hna
https://indiana.wicresources.org/safe-sleep/.
Ihnak Si Loin, Khaan tu I Hrawm Uh
Hnukdinhnak nih na fa he tlaihchanhnak ah an bawmh. Na fa pawng umnak nih na fa a paw tam caan i hmelchunhnak pawl theih an bawmh i hnukdinhnak zong bawmhnak a pek.
Khaan i hrawm – a tlawm bik thla 6 tiang na fa him tein a ihnak dingcaah na khaan ah a hmun ser piak.
Na ihnak ah na fa cu hnuk na dinh khawh. Hnuk na dinh hnu in, na ihnak in na hmuh khawhnak le phan khawhnak asi mi hmun dang a ihnak ah na fa cu chiah than hna.
Hngakchia caah him tein ihnak kong hlethlai chap hna.
Hi riantuannak zung cu atlukmi caantha petu asi.
