Minung Hnuk Fim Ningcang
Minung Hnuk Fim Ningcang Lamhmuhsaknak Pawl
Hi lamhmuhsaknak pawl cu a ngandamnak a tha mi, thla tling in a chuakmi naute pawl caah a si i a zawmi le thla tling loin a chuakmi naute caah cun aa dang lai. Na ngandamnak zohkhenhtu sin ah na hal lai.1
Hnuk A Thar
Suimilam pa 4 tiang
Tit ter mi Hnuk: Suimilam 1-2
Cabuai Cung asiloah Cabuai:
77°F / 25°C asiloah a kik deuhmi
Hnuk A Thar
Ni 4 tiang
Tit ter mi Hnuk: Suimilam 24 tiang
Kihternak Bizu (Refreigerator):
40°F / 4°C asiloah a kik deuhmi
Hnuk A Thar
Thla 6 Chung cu A Tha Bikmi A Si
(Thla 12 Tiang cu Cohlang Khawh A Si)
Tit ter mi hnuk cu zeitikhmanh ah khalter than hlah
Khalternak (a khar a dang tein a ummi):
0°F / -18°C asiloah a kik deuhmi
Lamhmuhsaknak pawl cu inn ah hman ding ca lawnglawng ah a si i sizung ah hman dingcaah a si lo1
Minung Hnuk Khom Ningcang
Hnuk na sur hlan ah asiloah na chuah hlan ah, ti le chapiat in na kut tha tein naa tawl lai.
Surnak thilri le pipe vialte cu an thiang hrimhrim nak hnga zohfel hna. A nak tete a kai mi pipe cu thlen colh hna.
Cabuai asiloah cabuai cung le hnuk surnak a lenglei, a hmehnak paohpaoh telhchin in thianh dih hna.
Chuekhat nu le pa hna nihcun an hnuk fimnak bawm ah denteo in sur an duh deuh.
Minung Hnuk Fim Ningcang
Na hngakchia ngandamnak zohkhenhtu cu minung hnuk fimnak kong bia na ruah lai.
Na naute cu a khim hnu ah a tangmi hnuk pawl cu suimilam pa (2) chungah na hman lai.
Minung hnuk cu a fekmi a khuh tha tein a ummi minung hnuk fimnak bawm pawl, thlalang kuang, asiloah palasatik a hakmi, BPA a um lomi kuang pawl in fim khawh a si.
Na hnuk fimnak caah voikhat hman ding ca lawngah an sermi thawl asiloah adang plastic bawm pawl hman cu hrial hna. Hnuk fimnak bawm na herh ahcun zangfahnak in na umnak WIC sikhaan cu pehtlai hna.
Bawm cu hnuk na sur ni benh chih hna. Hnuk cu ngakchia ngandamnak zohkhenhtu na pek ding a si ahcun, na fa min zong na telhchih lai.
Na surmi hnuk cu khalternak asiloah kihternak a khar ah si loin, a hnu lei ah na fim lai. A khar a linhnak cu a khar aa on le aa khar ningin aa tleng mi a si.
Caan tawi leng na chuah tikah, rian asiloah sianginn kal asiloah kir tibantuk, surmi/chuahmi hnuk cu a kiknak chuak kho lo dingin an sermi zal in tikhal tlang he sumilam 24 tiang na chiah khawh.
Minung Hnuk Khal Ter Ningcang
Sur tharmi asiloah kih termi hnuk cu ni (4) chung ah hman dingin na timh lo ahcun, khal ter colh hna.
Na khalter tikah, kuang a cunglei cu lehhmah pakhat na lawng ter lai. Minung hnuk cu a khal tikah a karh.
Rawhralnak hrial dingcaah hnuk cu 2- to 4-ounce in na khal ter lai.
Hmun lawng ter dingcaah fimnak bawm cu a per in na khal ter lai.
Mei a um lo ahcun, khal termi hnuk cu a tleumi pawl hmuh khawh an si chung cu an tha rih ko.
Minung Hnuk Tit Ter Ning le Lum Ningcang
A hlun bikmi na fimmi hnuk cu na hman hmasa lai. FIFO (khum hmasa mi, chuah hmasa) timi zulh hna.
Chuekhat naute pawl nihcun a lummi hnuk an duh deuh lai nain, minung hnuk cu lum ter a herh lo. Khaan a lumnak ah siseh asiloah a kihnak ah siseh eidin khawh a si.
Hnuk cu a phunphun in tit ter khawh a si:
1: Zaan khuadei kihternak chungah
2: A tla lio mi a lummi ti tangah
3: Ti a lummi kheng chungah
Ti lum in tit termi hnuk cu tit ter hnu in asiloah kihternak ah chiah hnu in suimilam pa (1) chungah hman ding a si lai.
Kihternak ah tit termi hnuk cu tit ter hnu in ni (1) (suimilam 24) chungah hman ding a si lai.
Minung hnuk cu tit ter dingin bia na khiah ahcun, bawm cu a chin chinh buin na chiah lai. A chin chinhmi bawm cu ti lum kheng chungah na chiah lai asiloah a tla lio mi a lummi, a lin lo mi, tangah na tlaih lai. Meiphu cung ah asiloah rawl lumnak(microwave) chung ah denteo in na lum ter lai lo. Hnuk a linhnak cu na kuthliah ah tlawmpal thlak in na hneksak lai. Siarem tein a lum awk a si lai.
Cawh dingcaah nem tein na mer lai (na hninh lai lo), minung hnuk aa then micu a phung a si ko.
Minung hnuk cu rawl lumnak ah lum hlah. Rawl lumnak(microwave) nih thazang umnak rawl dat pawl a hrawh i a linmi bo a ser, cu nih na naute kaa a kangh khawh.
Hi kaa in lakmi a si:
1. United States Department of Agriculture (USDA), Centers for Disease Control and Prevention (CDC),
and Department of Health and Human Services (HHS). (2018, July). Human Milk Storage Guidelines.
https://wicworks.fns.usda.gov/sites/default/files/media/document/Human_Milk_Storage_Guidelines.pdf
Charchanhnak pawl:
Centers for Disease Control and Prevention (CDC). (2023, November 27). Breast Milk Storage and Preparation
https://www.cdc.gov/breastfeeding/breast-milk-preparation-and-storage/handling-breastmilk.html
Eglash, A., Simon, L., & The Academy of Breastfeeding Medicine. (2017). ABM Clinical protocol #8: Human milk storage information for home use for full-term infants. Breastfeeding Medicine, 12(7), 390-395.
https://doi.org/10.1089/bfm.2017.29047.aje
