M ap grandi epi m ap aprann chak jou.
Mwen bezwen èd ou pou mwen aprann manje byen epi goute nouvo manje!
Kisa
- Ban mwen ti kantite (1 a 2 gwo kiyè) nan plizyè manje, menm sa ou pa renmen yo.
- Ofri mwen nouvo manje ansanm avèk yon manje m abitye manje.
Kijan
- Kite mwen itilize kiyè, dwèt mwen, oswa toulède. Mwen aprann lè m pran sant, goute ak manyen manje.
- Si mwen pa renmen yon nouvo manje tousuit, se pa yon pwoblèm! Ban mwen li ankò yon lòt fwa. Sa ka rive se apre plis pase 10 fwa mwen deside goute l.
- Tanpri pa fòse mwen manje. Kite m manje jan m vle – rapid oswa lan.
Kilè
- Mwen bezwen yon woutin. An n manje chak jou nan menm lè a.
- Vant mwen piti toujou, kidonk mwen grangou chak 2 oswa 3 èdtan.
- 3 repa (manje maten, manje midi, manje aswè) ak 2 oswa 3 ti goute ap fè mwen byen anpil.
- Mwen senpman bezwen dlo ant repa yo ak ti goute yo.
Ki kote
- Manje avèk mwen. Mwen kapab pè aprann nouvo bagay. Mwen santi m an sekirite avèk ou epi m ap aprann pi byen avèk sipò ou.
Let me decide what and how much to eat.
Please don’t make me eat more or less than I want.
Men kèk egzanp ki montre aparans pòsyon repa ak ti goute a ka genyen nan asyèt mwen.
Manje maten
Yon ka (¼) tas frèz ki koupe an kib
demi (½) tas lèt manman oswa lèt antye
Demi (½) tranch pen konplè griye ki koupe
yon bò (½) ze ki kuit epi ki koupe
Manje midi
Demi (½) fig mi mwayen ki koupe an tranch
yon ka (¼) tas pwa vèt ki kuit epi rache
Yon ka (¼) tas makawoni konplè ak fwomaj
yon demi (½) tas dlo
Ti goute
Demi (½) tas pèch ki koupe an tranch
2 a 3 bonbon sèl konplè ki gen fwomaj
yon ka (¼) tas kawòt ki kuit epi rache
dlo ant repa ak ti goute yo
Manje aswè
yon ka (¼) tas sòs pòm
demi (½) tas bwokoli ki kuit epi koupe
Yon (1) tòtiya mayi mwayen ki koupe
yon ka (¼) tas pwa pinto ki kuit epi ki kraze
demi (½) tas lèt manman oswa lèt antye
Kantite yo Sijere Chak Jou pou Gwoup Manje yo
Fwi
Demi (½) – 1 tas pa jou
Fwi ki kuit oswa ki mou epi ki kri.
Kraze, tranche, oswa rache.
Ofri m tout kalite koulè: wouj, jòn, jòn abriko, ble, ak vèt.
Legim
Detyè (2/3) – 1 tas pa jou
Legim ki kuit epi ki kraze, tranche, oswa rache.
Ofri m tout kalite koulè: vèt fonse, jòn abriko, wouj, jòn, ak mòv.
Grenn
1 ons ¾ – 3 ons pa jou
Vyepti moso.
Pen konplè, tòtiya, diri, oswa makawoni.
Sereyal sèch oswa kuit.
Grenn
1 ons ¾ – 3 ons pa jou
Vyepti moso.
Pen konplè, tòtiya, diri, oswa makawoni.
Sereyal sèch oswa kuit.
Pwoteyin
2 ons pa jou
Vyann, vyann bèt volay oswa pwason ki kuit epi rache.
Ze.
Pwa, pwa frans, oswa tofou ki kuit.
Manba.
Pwoteyin
2 ons pa jou
Vyann, vyann bèt volay oswa pwason ki kuit epi rache.
Ze.
Pwa, pwa frans, oswa tofou ki kuit.
Manba.
Pwodui lèt
1 2/3 – 2 tas pa jou
Lèt manman (nan tete a oswa ki tire) oswa lèt antye.
Yogout.
Fwomaj.
Pwodui lèt
1 2/3 – 2 tas pa jou
Lèt manman (nan tete a oswa ki tire) oswa lèt antye.
Yogout.
Fwomaj.
Gade sa mwen kapab fè!
- Mwen konprann anpil bagay nan sa w ap di. Fè lekti, pale, epi chante pou mwen pou m ka aprann plis bagay!
- Mwen renmen imite sa w fè. Kite m jwe avèk bòl ak kiyè. Mwen pral fè kòm si m ap brase manje tankou w.
- Mwen toujou ap aprann manje ak kiyè epi bwè nan gode. Tanpri pran pasyans si mwen fè dezòd.
- Mwen kapab itilize men m pou mwen fè pil blòk, lanse balon, epi pouse ak rale jwèt. Jwe avèk mwen!
Pwoteje mwen epi kenbe mwen an sante.
Mwen renmen kouri, sote, epi monte sou bagay. Siveye m lè m ap jwe pou m pa pran chòk.
Mwen renmen chèche konnen. Mwen louvri pòt ak tiwa pou m ka wè. Kite mwen aprann. Men, ban m pwoteksyon.
Tanpri PINGA ou ban mwen manje ki ka trangle mwen tankou nwa antye, rezen antye, grenn, òtdòg, oswa sirèt ki di.
Fòk mwen fè tchèkòp epi pran vaksen pou m rete an sante. Mwen ta dwe al kay doktè lè m gen 18 mwa, 15 mwa, epi 2 lane. Ale sou www.cdc.gov/vaccines/schedules pou wè ki lè mwen dwe pran vaksen.
Si mwen poko wè dantis, pran premye randevou pou mwen. Dan mwen ta dwe bwose de (2) fwa pa jou. Mande dantis la ki jan pou kenbe dan mwen an sante.
Jwe avèk mwen pou ede m rete aktif. Si gen moman pou m devan ekran, limite l pou ka entèyaji avèk mwen.
Evite konsome pwodui ki fèt ak tabak oswa ki gen nikotin, alkòl, marigwana, ak lòt dwòg ilegal yo pou kenbe fanmi nou an sante epi pou pwoteje li. Pou w jwenn èd pou kite tabak oswa pwodui ki gen nikotin, ale sou www.quitnow.net. Pou w jwenn èd pou kite alkòl oswa lòt dwòg yo, ale sou www.findtreatment.gov. Nitrisyonis Special Supplemental Nutrition Program for Women, Infants and Children (WIC, Pwogram Nitrisyon Siplemantè Espesyal pou Fanm, Tibebe ak Timoun) ou a kapab ba w lòt resous tou.
Enstitisyon sa a ofri tout moun menm opòtinite.
