Sipò pou Atenn
Objektif Ou nan zafè Alètman
Kiyès yon Konseye nan Alètman WIC ye?
- Se yon manman tankou w k ap viv nan kominote w la;
- Se yon kòlèg ki gen bonjan eksperyans nan bay pwòp tibebe pa li tete epi ki konnen kisa sa vle di lè w se yon jèn manman;
- Se yon resous ki la pou li kore w epi ede w atenn objektif ou yo;
- Se yon zanmi ki disponib nan klinik WIC la, nan telefòn, oswa nan mesaj tèks.
Kisa yon Konseye Kapab Fè pou Ou?
- Koute w, ankouraje w, epi ba w sipò;
- Kontakte w pandan tout gwosès ou an pou l reponn kesyon ou genyen sou alètman epi ede w prepare w pou akouche tibebe w la;
- Ede ou menm ak tibebe w la byen kòmanse avèk alètman an;
- Reponn kesyon ou genyen sou alètman oswa rezoud pwoblèm ou genyen apre w fin akouche;
- Mete w an kontak avèk lòt manman ak gwoup sipò yo;
- Ba w enfòmasyon sou fason pou w jwenn yon ponp lèt;
- Fè aranjman pou w jwenn èd anplis nan men yon konsiltan nan zafè laktasyon oswa lòt pwofesyonèl sante lè sa nesesè.
Pinga ou pè kontakte konseye w la. Li vle ede ou!
Konseye yo bay konsèy sou:
- Fason pou w pwodui anpil lèt pou tibebe w la;
- Fason pou w konprann abitid somèy, siyal grangou, ak kriye tibebe w la;
- Fason pou w jwenn sipò antanke jèn manman nan men fanmi w ak zanmi w;
- Fason pou w bay tete alèz nenpòt kote ou ale;
- Fason pou w itilize yon ponp lèt ak rekòmandasyon pou konsève lèt ou ponpe a.
WIC Kore Alètman
Nou genyen resous ki pou ede w atenn objektif alètman ou yo. Tout sèvis WIC yo gratis epi yo disponib pou nenpòt fanmi ki nan pwogram WIC la. Men sa nou ofri:
- Pi gwo pake manje pou paran ki fè alètman sèlman yo. Nou bay manman yo manje pou yo ka bay tibebe yo tete!
- Kou sou alètman.
- Konsiltan Laktasyon Konsèy Entènasyonal Sètifye (IBCLC).
- Evalyasyon alètman ak kontwòl pwa.
- Evalyasyon bezwen nan zafè ponp lèt ak adaptasyon pèsonalize ponp lan oswa rakò a.
- Resous ak edikasyon nan zafè alètman ki baze sou prèv.
- Akseswa pou alètman si sa nesesè.
- Konseye (gen kèk zòn ki gen Konseye ki pale 2 lang).
- WIC se yon pwogram manje ak nitrisyon siplemantè ki gratis pou fanm ansent, jèn manman (rive jiska 6 mwa apre akouchman), manman k ap bay tete (jiska 1 lane apre akouchman), tibebe ak timoun jiska laj 5 lane.
Pou w aplike pou WIC oswa pou w konnen kritè revni yo, tanpri rele nan 800-522-0874 pou w jwenn yon klinik ki toupre ou.
Enstitisyon sa a ofri tout moun menm opòtinite.
