Duhsah tein Hnuk Dinhnak ti micu zeidah asi?
Duhsah tein hnuk dinhnak ti micu thawl in dinhmi phun asi i naute nih thawl in zeitluk rang in dah a din lai timi control a ngahmi phun asi. Na naute tamdeuh in controlnak nih tamtuk in dinnak hrialkhawhnak kha a bawmh i paw nuamhlohnak kha a zorter. Duhsah tein hnuk dinhnak nih na fa kha tha tein thawchuah khawhnak a pek lai i thawphihnak lei tihnunnak a zorter fawn lai. Thawl in hnuk pekmi ngakchia paohpaoh caah duhsah tein thawl in dinhnak kha duhpiak a si, thawl lawng bakin pekmi a si ah, asilole hnuk dinhmi le thawl in pekmi a si pek ah.
Duhsah tein Hnuk Dinhnak cu zeitindah tuah asi?
Dot 1nak
Duhsah tein a luangmi hnukhmur a ummi thawl cu thim hna.
Dot 2nak
A lu le a hngawng bawmhnak in, na fa kha ding tein a tam-u cu tlai. Naute thawl cu zeitik hmanh ah doh hlah.
Dot 3nak
Thawl cu ding tein, aa tlarmi dirhmun in na tlaih lai i cu ti cun hnukhmur ah hnuk acheu lawnglawng a khat lai.
Dot 4nak
Hnukhmur cu naute kaa ah nam chih hlah. Hnukhmur cu naute biang asiloah a hmur ah tonghter law naute a kaa kau piin a an micu hngak hna. Naute nih a tlaih hnu in, naute cu ihter than hlah asiloah thawl cu a cunglei ah cawi hlah.
Dot 5nak
Na bawhte cu a dawp lio le a dolh lio ah aa dinhnak caah zoh hna. Hihi cu bawhte pakhat hnu pakhat an i dang, cucaah na naute nih an hruainak kha zulh hna.
Dot 6nak
Tamtuk in a dolhmi, a mit a kaumi, a kutdong a samhmi, aa hakmi, asiloah a kaa a kam lei in hnuk a zutmi na hmuh ahcun na bawhte cu aa dinh a herh. Thawl cu niamter law cu ti cun hnukhmur cu a lawng lai asinain a kaa ah a tang ko lai. Bawhte nih hliphlau tein a dawp than hnu in thawl cu ding tein, aa tlarmi dirhmun in na tuah than lai.
Dot 7nak
Na naute cu huamsam tein a dawp asiloah a ngol, a nam asiloah aa mer tak, asiloah aa hngilh ahcun cucu dinh ngolnak ding caan asi.
Paced Bottle Feeding by The Milk Mob
Hnukdinh
Hnukdinh cu minute 15-30 tluk a rau awk asi i naute cu thadam tein a um awk asi i cun hnukdinh cu control mi in a um awk asi.
Zumhnak
An khim tik hngalh dingah na fa kha zum ko. Na naute cu thawl khat ning in dinter dih hlah.
Keng muai in thli chuah
Hnuk dinh lio le dinh dih in a chak nakhnga lo naute cu a keng muai law thli chuah piak.
Hnukdinh
Hnukdinh cu minute 15-30 tluk a rau awk asi i naute cu thadam tein a um awk asi i cun hnukdinh cu control mi in a um awk asi.
Zumhnak
An khim tik hngalh dingah na fa kha zum ko. Na naute cu thawl khat ning in dinter dih hlah.
Keng muai in thli chuah
Hnuk dinh lio le dinh dih in a chak nakhnga lo naute
cu a keng muai law thli
chuah piak.
Duhsah tein hnuk dinhnak kong tling deuh in theihnak caah na umnak Indiana WIC zung kha pehtlai.
Hi riantuannak zung cu aa tlukmi caantha petu asi.
