ကျန်းမာအောင်နေပါ

ကောင်းကောင်းစားပါ

သင်ကိုယ်တိုင်နှင့် သင့်မိသားစုအတွက် လုံလောက်သော စွမ်းအင်ပြည့်ဝစေရန် တစ်နေ့လျှင် အနည်းဆုံး 3 ကြိမ် စားသောက်ပါ။
အမျိူးမျိူးသော အစားအစာများစွာ စားသောက်ခြင်းက ကျန်းမာစွာနေရန် လိုအပ်သည့် အာဟာရများ ပေးစွမ်းပါသည်။
အုတ်ဂျုံမှုန့်၊ ဆန်လုံးညို၊ ဂျုံကြမ်းပေါင်မုန့်နှင့် ပါစတာခေါက်ဆွဲ ကဲ့သို့ ပြည့်ဝဂျူံများကို ရွေးချယ်ပါ။
အချိုဓာတ်ပါသော သောက်စရာများအစား ရေသောက်ပါ။
ကျန်းမာရေးနှင့်ပိုကိုက်ညီသော အစားအသောက် အကြံပြုချက်များအတွက် myplate.gov. သို့ သွားပါ

ရုပ်ပိုင်းဆိုင်ရာ လှုပ်ရှားမှု

ရုပ်ပိုင်းဆိုင်ရာ လှုပ်ရှားမှုက သင့်ကို စွမ်းအင်ပိုရရှိစေနိုင်သည်ကို သင်သိပါသလား။ ၎င်းက သင့်စိတ်ခံစားချက်များကိုလည်း လန်းဆန်းတက်ကြွစေပြီး စိတ်ပြေလက်ပျောက်ဖြစ်စေကာ ပိုအိပ်ပျော်စေပါသည်။ နေ့စဉ် အတန်အသင့် ပြင်းထန်သော ကိုယ်လက်လှုပ်ရှားမှု မိနစ် 30 သို့မဟုတ် ထို့ထက်ကြာအောင် ဖြည်းဖြည်းချင်း လုပ်ဆောင်ပါ။

အတန်အသင့် ထိရောက်သော ကိုယ်လက်လှုပ်ရှားမှု ဆိုင်ရာ လေ့ကျင့်ခန်းအချိူ့မှာ -

သင့်အတွက် အသင့်တော်ဆုံး ကိုယ်လက်လှုပ်ရှားမှု ဆိုင်ရာ လေ့ကျင့်ခန်းကို သင်၏ ကျန်းမာရေးစောင့်ရှောက်သူနှင့် မေးမြန်းဆွေးနွေးပါ။

စိတ်ခံစားချက်ဆိုင်ရာ ကျန်းမာရေး

ကလေးရပြီးနောက် စိတ်ခံစားချက် ရှုပ်ထွေးမှုကို ခံစားရခြင်းမှာ ဖြစ်လေ့ဖြစ်ထရှိပါသည်။ မီးဖွားခြင်း၊ ဟော်မုန်း နှင့် အိပ်စက်မှု အပြောင်းအလဲများက သင့်ကို ဝမ်းနည်းစေသည့် ခံစားချက် ရရှိစေ ပါသည်။ မိခင်အသစ်များက အလွယ်တကူ ငိုတတ်ပါသည်၊ အအိပ် ပျက် အစားပျက် ဖြစ်တတ်ပါသည်၊ ထို့အပြင် မွေးကင်းစကလေးကို ပြုစုစောင့်ရှောက်ရခြင်းကြောင့် စိတ်ထိခိုက်တတ်ပါသည်။ အဆိုပါ ခံစားချက်များကို ဖြေလျှော့ပေးရန် ကောင်းကောင်းစားပါ၊ မကြာခဏ အနားယူပါ၊ ထို့အပြင် ယခုအချိန်အတွင်း သင့်မိသားစု နှင့် သူငယ်ချင်များထံမှ အကူအညီတောင်းပါ။

နှစ်ပတ်ကျော်ကြာ ဝမ်းနည်းပြီး စိတ်ပျက်လက်ပျက်ဖြစ်ပါက သို့မဟုတ် သင့်ကိုယ်သင် သို့မဟုတ် သင့်ကလေးကို ဒုက္ခပေးမိမည်ကို စိုးရိမ်ပါက သင်၏ ဆရာဝန် သို့မဟုတ် The Special Supplemental Nutrition Program for Women, Infants and Children (WIC, အမျိူးသမီးများ၊ နို့စို့ကလေးများနှင့် ကလေးငယ် များအတွက် အထူးဖြည့်စွက်အာဟာရ ထောက်ပံ့မှု အစီအစဉ်) ဝန်ထမ်းနှင့် ဆွေးနွေးတိုင်ပင်ပါ။ မီးဖွားပြီးနောက်ပိုင်း စိတ်ဓာတ်ကျ မှုကို သင်ခံစားနေရနိုင်ပါသည်။

အချိန်ဇယားအလိုက် ဆရာဝန်ထံ သွားရောက်ပြသမှုများ

သင့်ဆရာဝန်ထံ တစ်နှစ်တစ်ကြိမ် သွားရောက်ပြသပါ။
ကာကွယ်ဆေးထိုးမှုများအတွက် အကြံပြုထားသည့် အချိန်ဇယားအတိုင်း အပြည့်အဝထိုးပေးပါ။
နို့တိုက်ခြင်းကို ထောက်ကူမည့် ကိုယ်ဝန်တားနည်းများအကြောင်း မေးမြန်းပြီး မီးဖွားမှုလုပ်ငန်းစဉ်မှ အပြည့်အဝ ပြန်လည်ကျန်းမာလာစေရန် ကိုယ်ဝန်ဆောင်ချိန်များကြား အသင့်တော်ဆုံးအချိန်ကို သတ်မှတ်ပါ။

ဖောလစ်အက်ဆစ်

ကိုယ်ဝန်ရှိလာသည့် အမျိုးသမီးအားလုံးသည် နေ့စဉ် ဖောလစ်အက်ဆစ် 400 မိုက်ခရိုဂရမ်ပါသည့် အားဖြည့် ဗီတာမင်ကို သောက်သုံးသင့်ပါသည်။ သင့်ခန္ဓာကိုယ်တွင်း ဖောလစ်အက်ဆစ် လုံလောက်စွာ ရှိနေစေခြင်းဖြင့် သင့်ကလေးတွင် မွေးရာပါ ဦးနှောက် သို့မဟုတ် ကျောရိုး ချို့ယွင်းမှုများ ဖြစ်နိုင်ခြေကို လျှော့ချနိုင်ပါသည်။ အားဖြည့် ဗီတာမင်နှင့်အတူ ဖောလစ်အက်ဆစ် ကြွယ်ဝသည့် အစာအစားများကို ရွေးချယ်ပါ။

ဖောလစ်အက်ဆစ်ပါသည့် အစားအစာများမှာ-

သင်ကိုယ်ဝန်မဆောင်ခင်နှင့် ကိုယ်ဝန်ရပြီး ပထမလတွင် သင့်ခန္ဓာကိုယ်တွင်း ဖောလစ်အက်ဆစ် ရှိနေရပါမည်။

မိခင်နို့တိုက်ခြင်းက အကောင်းဆုံး ကျွေးမွေးခြင်းပါ

ကျန်းမာရေးစောင့်ရှောက်မှုပေးသူများသည် သင်အဆင်ပြေသလို ပထမတစ်နှစ်နှင့် ထို့ထက်ကြာအောင် မိခင်နို့တိုက်ကျွေးခြင်းကို အကြံပြုပါသည်။
မိခင်နို့တွင် ကလေးငယ် ဖွံ့ဖြိုးတိုးတက်မှုအတွက် လုံလောက်သော အာဟာရများ ပါဝင်ပါသည်။
မိခင်နို့သည် သင့်ကလေးအား ကူးစက်ရောဂါရန်မှ တိုက်ထုတ်ပေး၍ မကြာခဏ ဖျားနာမှုကို လျော့နည်းစေပါသည်။ မိခင်နို့တိုက်ကျွေးမှုသည် မိခင်၏ ကျန်းမာရေးကိုလည်း ကာကွယ်ပေးပါသည်။
မိခင်နို့တိုက်ကျွေးမှုသည် ကလေးနှင့် သံယောဇဉ်တွယ်မှုကို အားပေးပါသည်။

အရက်၊ ဆေးရွက်ကြီးနှင့် မူးယစ်ဆေးဝါးများကို ရှောင်ပါ

ဆေးလိပ်သောက်ခြင်း၊ အရက်သောက်ခြင်း သို့မဟုတ် မူးယစ်ဆေးသုံးခြင်းကို ရှောင်ပါ။ ညွှန်ကြားထားသလို ဆေးသောက်ပါ။ ယနေ့သင်ပြုလုပ်လိုက်သည့် ရွေးချယ်မှုများက သင့်မိသားစု၏ ကျန်းမာရေးကို ယခုနှင့် နောက်ပိုင်းတွင် အကျိူးသက်ရောက်စေနိုင်ပါသည်။

ဆေးလိပ် အရက်ဖြတ်ရခြင်းက ခက်ခဲပါသည်။ WIC ဝန်ထမ်းအား အကူအညီတောင်းနိုင်သည့် နေရာကို မေးမြန်းပါ။ သင်တစ်ယောက်တည်းမဟုတ်ပါ။ ဆေးလိပ်၊ အရက်ဖြတ်ရာတွင် ကူညီပေးမည့်၊ အကြံဉာဏ်ပေးမည့်အပြင် ဝိုင်းဝန်းပံ့ပိုးပေးမည့် လူများ ရှိပါသည်။

ဤအဖွဲ့အစည်းသည် တန်းတူညီမျှ အခွင့်အရေးပေးသည့်အဖွဲ့အစည်း ဖြစ်ပါသည်။

wic.in.gov