ခဲဓာတ်သည် သင့်မိသားစုကို အန္တရာယ်ပေးနိုင််ပါသည်။
ခဲဓာတ်သည် ကျွန်ုပ်တို့၏ခန္ဓာကိုယ်က မလိုအပ်သော သတ္တုဓာတ် ဖြစ်ပါသည်။ ကျွန်ုပ်တို့၏ခန္ဓာကိုယ်တွင် ခဲဓာတ်အလွန်များနေခြင်းသည် အထူးသဖြင့် ကလေးများအတွက် ပြဿနာများ ဖြစ်စေနိုင်ပါသည်။
ခဲဓာတ်နှင့် ထိတွေ့မှုအလွန်များနေသော ကလေးများသည် နေမကောင်းသည့် ပုံစံရှိခြင်း သို့မဟုတ် နေမကောင်းသကဲ့သို့ ပြုမူခြင်းမျိုး မဖြစ်နိုင်သော်လည်း ကြီးထွားခြင်းနှင့် သင်ယူလေ့လာခြင်းနှင့် ပတ်သက်၍ ပြဿနာများ ရှိနိုင်ပါသည်။
ရှောင်ကြဉ်ပါ
- တင်သွင်းလာသော ခဲသုတ်ထားသည့် အိုး သို့မဟုတ် ခဲပါသောဖန်အိုးတွင် အစားအစာများကို သိမ်းဆည်းခြင်း
- ခဲဓာတ်ပါသောမြေကြီးတွင် သစ်သီး သို့မဟုတ် ဟင်းသီးဟင်းရွက်များကို စိုက်ပျိုးခြင်း
- ခဲဓာတ်ပါသောရေဖြင့် ပြုလုပ်ထားသော အစားအစာများ သို့မဟုတ် သောက်စရာများ
- ခြစ်ထုတ်ထားသော သို့မဟုတ် ခွာထားသော သုတ်ဆေးများကို ကလေးများ စားခွင့်ပေးခြင်း သို့မဟုတ် ဝါးခွင့်ပေးခြင်း
လျှော့စားပါ
- ကြော်ထားသော အစားအစာများ
- ဝက်အူချောင်း၊ ဝက်ပေါင်ခြောက် နှင့် ဟော့ဒေါ့များကဲ့သို့သော အဆီများသည့်အသားများ
- အဆီဓာတ်များသော အသားများ၊ ထောပတ်နှင့် ဝက်ဆီတို့ဖြင့် ချက်ပြုတ်ထားသည့် အစားအစာများ
- အာလူးကြော်များနှင့် ကိတ်မုန့်များကဲ့သို့သော အဆီများသည့် မုန့်များ
ကျန်းမာရေးနှင့်ညီသော အစားအစာများဖြင့် သင့်မိသားစုကို ခဲဓာတ်သင့်ခြင်းမှ ကာကွယ်ပါ။
အဓိက အာဟာရ 3 မျိုး
- ကယ်လ်စီယမ်
- သံဓာတ်
- ဗီတာမင်စီ
ကောင်းမွန်သော အာဟာရဓာတ်
ကောင်းမွန်သော အာဟာရဓာတ်သည် သင့်မိသားစုကို ခဲဓာတ်မှ ကာကွယ်ရန် နည်းလမ်းတစ်ခု ဖြစ်ပါသည်။
ကလေးများနှင့် လူကြီးများအတွက် အဓိကအာဟာရသုံးမျိုးသည် ခန္ဓာကိုယ်ကို ခဲဓာတ်၏ အန္တရာယ်ရှိသော သက်ရောက်မှုများမှ ကာကွယ်ပေးသည့် အခန်းကဏ္ဍတွင် ပါဝင်ပါသည် –
- ကယ်လ်စီယမ်
- ံဓာတ်
- ီတာမင်စီ
အဆိုပါအာဟာရများသည် ခန္ဓာကိုယ်က ခဲဓာတ်စုပ်ယူမှုကို နည်းပါးစေရန် ကူညီပေးကာ ကျန်းမာသော စားသောက်မှုပုံစံ၏ တစ်စိတ်တစ်ပိုင်း ဖြစ်ကြပါသည်။ နေ့စဉ် အစားအစာအမျိုးမျိုးကို ရွေးချယ်ပါ။
မိခင်နို့သည် ကလေးငယ်များအတွက် အစကတည်းက အကောင်းဆုံးအာဟာရဓာတ်နှင့် များစွာသော ကျန်းမာရေး အကျိုးကျေးဇူးများကို ဖြည့်ဆည်းပေးပါသည်။
ကယ်လ်စီယမ်ရင်းမြစ်များတွင် ပါဝင်သည်မှာ -
- နို့
- ဒိန်ချဉ်
- ဒိန်ခဲ
- ဒိန်ခဲပျော့
- ူတင်း
- ကယ်လ်စီယမ်ဓာတ် အားဖြည့်ထားသော လိမ္မော်ရည်
- အစိမ်းရင့်ရောင် အရွက်ဖားဖား ဟင်းသီးဟင်းရွက်များ
သံဓာတ်ရင်းမြစ်များတွင် ပါဝင်သည်မှာ -
- WIC က အတည်ပြုထားသည့် စီရီရယ်များ
- ပဲတောင့်ရှည်ပဲများ (ပဲစေ့များ၊ ပဲကြီးစေ့များ၊ ပဲနီလေး)
- သစ်သီးခြောက်များ
- အဆီနည်း အနီရောင်အသားများ၊ ငါး၊ ကြက်သား၊ ကြက်ဆင်
- အစိမ်းရင့်ရောင် အရွက်ဖားဖား ဟင်းသီးဟင်းရွက်များ
ဗီတာမင်စီ ရင်းမြစ်များတွင် ပါဝင်သည်မှာ -
- လိမ္မော်သီးများ
- ဂရိတ်ဖရုသီး
- ခရမ်းချဉ်သီးများ
- ပန်းငရုတ်ပွများ
- ပန်းဂေါ်ဖီစိမ်း
- အာလူးများ
- စတော်ဘယ်ရီသီးများ
- သခွားမွှေးသီးများ
- WIC က အတည်ပြုထားသည့် ဖျော်ရည်များ
အစားအစာ စီစဉ်ခြင်း
သင့်မိသားစုက ပုံမှန် အစားအစာများနှင့် မုန့်များကို စားသုံးရန် အရေးကြီးပါသည်။ ၎င်းက ခဲဓာတ်စုပ်ယူခြင်းကို ထိန်းထားရန် အကူအညီပေးနိုင်ပါသည်။ ကျန်းမာရေးနှင့်ညီသော အစားအစာ ရွေးချယ်မှုများနှင့် စားသောက်မှု ပမာဏများနှင့် ပတ်သက်သည့် အကြံဉာဏ်များအတွက် သင်၏ WIC အာဟာရပညာရှင်ကို မေးမြန်းပါ။
ပိုစားပါ
- အဆီနည်းသော အသားများ
- ဖုတ်ထားသော၊ ကင်ထားသော သို့မဟုတ် ပေါင်းထားသော အစားအစာ
- လတ်ဆတ်သောသစ်သီးများနှင့် ဟင်းသီးဟင်းရွက်များ
- မုန့်ကြိုးလိမ်များ၊ ဂရေဟမ်မုန့်ကြွပ်များ ကဲ့သို့သော အဆီနည်းသည့် မုန့်များနှင့် အေးခဲထားသော သစ်သီး ဖျော်ရည် ရေခဲချောင်းများ
မှတ်ထားရန် — အစာမစားမီ အမြဲတမ်း လက်ဆေးပါ။
သင့်ကလေးအတွက် ခဲဓာတ်စစ်ဆေးခြင်းနှင့် ပတ်သက်၍ သင့်ကိုကျန်းမာရေးစောင့်ရှောက်မှု ပေးသူနှင့် စကားပြောဆိုပါ။ ခဲဓာတ်နှင့်ပတ်သက်သည့် နောက်ထပ်အချက်အလက်များအတွက် အင်ဒီးယားနားပြည်နယ် ခဲဓာတ်နှင့် ကျန်းမာရေးနှင့်ညီသော အိမ်များဆိုင်ရာ အစီအစဉ် ထံ အောက်ပါအတိုင်း ဆက်သွယ်ပါ –
ဤအဖွဲ့အစည်းသည် တန်းတူညီမျှ အခွင့်အရေးပေးသည့် အဖွဲ့အစည်း ဖြစ်ပါသည်။
