သင့်ကလေးငယ်အတွက်
မွေးကင်းစကလေးငယ် ရုတ်တရက်သေဆုံးခြင်း ရောဂါလက္ခဏာစု (SIDS) နှင့် အခြားသော အိပ်စက်ခြင်းနှင့် ဆက်စပ်နေသည့် မွေးကင်းစကလေးငယ် သေဆုံးမှု အကြောင်းရင်းများကို လျှော့ချပါ။
အိပ်စက်ခြင်းနှင့် ဆက်စပ်နေသည့် သေဆုံးမှု အကြောင်းရင်းများနှင့် SIDS အန္တရာယ်ကို လျှော့ချရန်၊ ဘေးကင်းသော အိပ်စက်မှု၏ ABCs ကို လိုက်နာပါ။
A
တစ်ဦးတည်းထားပါ
ပျော့ပြောင်းသောအရာများ၊ အရုပ်များ၊ ခေါင်းအုံးများ၊ စောင်များ၊ ဂွမ်းကပ်အိပ်ယာခင်းများ၊ အမွှေးပါသောအခင်းများ၊ သို့မဟုတ် ပုခက်ခုတုံးများကို သင့်ကလေးငယ်၏ အိပ်စက်ရာနေရာမှ ဖယ်ထားပါ။
ကလေးငယ်အား ခုံအပျော့၊ ဆိုဖာ၊ ခေါင်းအုံးများ၊ ဂွမ်းကပ်အိပ်ယာခင်းများ၊ အမွှေးပါသောအခင်းများ၊ သို့မဟုတ် စောင်များကဲ့သို့သော ပျော့သောအရာများပေါ်တွင် လုံးဝ အိပ်စက်ခွင့်မပေးပါနှင့်။
B
ပက်လက်ထားပါ
ကလေးငယ်များသည် စိတ်ချရသော* နေရာတွင် ပက်လက်ချထားသည့်အခါ ပို၍လုံခြုံစွာ အိပ်ပျော်ပါသည်။ အိပ်စက်ချိန်တိုင်းကို ထည့်တွက်ပါသည်။ ကလေးငယ်အား တစ်ရေးအိပ်ချိန်များနှင့် ညအချိန်တို့တွင် အိပ်စက်နိုင်အောင် ပက်လက်ထားထားပါ။
*စိတ်ချရသောနေရာများတွင် ဘေးကင်းမှုကို အတည်ပြုထားသည့် ပုခက်များ၊ ပုခက်ကုတင်များ၊ နှင့် ရွှေ့ပြောင်းနိုင်သော ကစားရာနေရာများ ပါဝင်နိုင်ပါသည်။
C
ပုခက်ထဲတွင်ထားပါ
ကလေးငယ်များအတွက် အိပ်စက်ရန် အလုံခြုံဆုံးသောနေရာမှာ ပုခက်ထဲတွင် ဖြစ်ပါသည်။ ကွက်တိစွပ်ထားသောအိပ်ယာခင်းဖြင့် ဖုံဂကာထားသည့် ဘေးကင်းမှုကို အတည်ပြုထားသောပုခက်ထဲရှိ အခင်းပေါ်တွင်ကဲ့သို့သော လုံခြုံသည့် အိပ်စက်ရန်နေရာကို သုံးပါ။
ကလေးငယ်၏ နေ့လည် အိပ်စက်ရာနေရာအဖြစ် ကားထိုင်ခုံ၊ ကယ်ရီယာ၊ လွှဲပုခက်၊ သို့မဟုတ် အလားတူအရာများကို အသုံးမပြုပါနှင့်။
သင့်ရဲ့လုပ်ရပ်တွေက ကွဲပြားမှုကို ဖြစ်စေနိုင်ပါတယ်။
သင့်ကလေးငယ်ကို ကျန်းမာ၍ ဘေးကင်းစွာထားရှိရန် သင်လုပ်နိုင်သောအရာများစွာ ရှိပါသည်။
- ကိုယ်ဝန်ဆောင်နေစဉ်အတွင်း သင့်ဆရာဝန်ထံ ပုံမှန်သွားပါ။
- ကိုယ်ဝန်ဆောင်နေစဉ်အတွင်း သို့မဟုတ် ကလေးငယ်ကို မွေးဖွားပြီးနောက် ဆေးလိပ်မသောက်ပါနှင့်၊ အရက်မသောက်ပါနှင့်၊ သို့မဟုတ် တရားမဝင်သောမူးယစ်ဆေးများ မသုံးပါနှင့်။ သင့်ကလေးနားတွင် ဆေးလိပ်မသောက်ပါနှင့် သို့မဟုတ် ဆေးလိပ်သောက်ခွင့်မပေးပါနှင့်။
- သင့်ကလေးအား အိပ်စက်ရလွယ်ကူသည့်အဝတ်များ ဝတ်ပေးထားပါ။ လူကြီးတစ်ဦးအတွက် သက်သောင့်သက်သာရှိသော အပူချိန်တွင် အခန်းကို ထားထားပါ။
- သင့်ကလေးငယ်ကို နို့တိုက်ရန် သင့်အိပ်ယာထဲသို့ ခေါ်လာပါက၊ နို့တိုက်ပြီးသည့်အခါ သူ သို့မဟုတ် သူမကို သီးခြား အိပ်စက်ရာနေရာတွင် ထားထားရန် သေချာပါစေ။ ဘေးကင်းမှုကို အတည်ပြုထားသော ပုခက်၊ ပုခက်ကုတင်၊ သို့မဟုတ် ရွှေ့ပြောင်းနိုင်သော ကစားရာနေရာတို့ကို သင့်အခန်းထဲရှိ သင်အိပ်စက်သောနေရာဘေးတွင် ထားထားပါ။
သင့်အနီးရှိ Special Supplemental Nutrition Program for Women, Infants and Children (WIC, အမျိုးသမီးများ၊ နို့စို့ကလေးများနှင့် ကလေးငယ်များအတွက် အထူးဖြည့်စွက်အာဟာရ ထောက်ပံ့မှု အစီအစဉ်) ဆေးခန်းကိုရှာဖွေရန် 800-522-0874 သို့ ဖုန်းခေါ်ဆိုပါ သို့မဟုတ် ကျွန်ုပ်တို့၏ ဝဘ်ဆိုက် wic.in.gov သို့သွားပါ။ ကလေးငယ်များအတွက် ဘေးကင်းသော အိပ်စက်မှု နှင့်ပတ်သက်၍ ပိုမိုလေ့လာပါ။
ဤအဖွဲ့အစည်းသည် တန်းတူညီသော အခွင့်အရေးပေးသည့်အဖွဲ့အစည်း ဖြစ်ပါသည်။
