د انسان د شیدو د
د انسان د شیدو د ذخیره کولو لارښوونې
دا لارښودونه د سالمو، بشپړې دورې ماشومانو لپاره دي او ښايي د هغو ماشومانو لپاره توپير ولري چې ناروغ یا له وخته وړاندې زیږېدلي دي. د خپلې روغتیايي پاملرنې له وړاندې کوونکي سره یې وګورئ.1
تازه شیدې
تر 4 ساعتونو پورې
ګرمې شوې شیدې: 1-2 ساعته
د کاونټر سر یا میز:
77°F / 25°C یا تر دې سوړ
تازه شیدې
تر 4 ورځو پورې
ګرمې شوې شیدې: تر 24 ساعتونو پورې
یخچال:
40°F / 4°C یا تر دې سوړ
تازه شیدې
په 6 میاشتو کې ډیر غوره دي
(تر 12 میاشتو د منلو وړ دي)
ګرمې شوې شیدې هیڅکله بیا مه یخ کوئ
فریزر (له جلا دروازې سره):
0°F / -18°C یا تر دې سوړ
لارښوونې یوازې د کور د کارونې لپاره دي او په روغتون کې نه کارېږي1
د انسان د شیدو راټولول
د شیدو له پمپ یا را ایستلو وړاندې، خپل لاسونه په صابون او اوبو ښه ومینځئ.
د پمپ ټولې برخې او نلونه وګورئ او ځان ډاډمن کړئ چې پاک دي. شنه خا شوي نلونه په سمدستي توګه پاک کړئ.
کاونټر یا د میز سر او د تڼیو یا صفحو په ګډون د پمپ بیرونۍ خوا پاکه کړئ.
ځینې والدین غوره بولي چې مستقیماً په هغه بوتل یا قوطي کې شیدې پمپ کړي چې پکې ذخیره کوي یې.
د انسان د شیدو ذخیره کول
د ماشوم د پاملرنې خدمتونو له وړاندې کوونکي سره مو د انسان د شیدو د ذخیرې په اړه خبرې وکړئ.
له شیدو ورکولو پاتې شوې شیدې مو دوه (2) ساعته وروسته له هغې وکاروئ چې ماشوم ته مو شیدې ورکول خلاص کړل.
کیدای شي د انسان شیدې د انسانانو د شیدو د ذخیره کولو په کڅوړو، شیشه يي لوښو، کلکو پلاستیکي لوښو، له BPA پرته قوطيو چې د بسته کېدو لپاره محکم سرپوښونه لري، ذخیره شي.
له یو ځل کارېدونکو بوتلونو یا نورو پلاستیکي کڅوړو څخه د شیدو ذخیره کولو لپاره کار مه اخلئ. که د شیدو ذخیره کولو کڅوړو ته اړتیا لرئ، مهرباني وکړئ په خپله سیمه کې د WIC کلینیک سره اړیکه ونیسئ.
په قوطي باندې د لیبل په واسطه هغه نېټه ولګوئ چې شیدې را ایستل شوې وې. که تاسو دا شیدې د ماشوم پاملرنې وړاندې کوونکي ته ورکوئ، د ماشوم نوم مو هم ور زیات کړئ.
را ایستل شوې شیدې د فریزر یا یخچال په دروازه کې نه، بلکې په شا کې ذخیره کړئ. د دروازې تودوخه د خلاصولو او تړلو په سبب توپير کوي.
د لنډې مودې لپاره سفر کولو پر مهال، لکه کار یا ښونځي ته د تګ راتګ پر مهال کولی شئ پمپ شوې/را ایستل شوې شیدې په یوه یخه شوې کڅوړه کې د یخ له ټوټوسره تر 24 ساعتونو کېږدئ.
د انسان د شیدو یخ کول
که تاسو پلان نه لرئ چې تازه پمپ شوې یا یخ شوې شيدې په څلورو (4) ورځو کې وکاروئ، سملاسي یې یخې کړئ.
د یخ یا فریز کولو پر وخت، د قوطي په سر کې یو انچ ځای پرېږدئ. د انسان شیدې چې یخې شي، انبساط کوي.
شیدې په 2- تر 4-اونس اندازه کې ذخیره کړئ چې د ضایع کېدو مخه یې ونیسئ.
د ذخیرې کڅوړې هوارې یخ کړئ چې لږ ځای ونیسي.
که بریښنا لاړه شي، یخ شوي شیدې لا هم د کارولو لپاره ښې دي که چېرې د یخ ټوټې پکې لیدل کېږي.
د انسان د شیدو ویلې کول او ګرمول
لومړی تر ټولو وختي ذخیره شوې شیدې وکاروئ. د FIFO تمرین وکړئ (یعنې لومړی ایښودل شوې شیدې لومړی را واخلئ)
په داسې حال کې چې ځینې ماشومان ښايي تودې شیدې خوښې کړي، د انسان شیدې حتمي نه ده چې باید ګرمې شي. دا کېدای شي د خونې په تودوخه یا یخ کې وڅښل شي.
شیدې په بېلابېلو لاروګرم کیدای شي:
1: د شپې لخوا په یخچال کې
2: تر تودو روانو اوبو لاندې
3: د تودو اوبو په یوه بوتل یا قوطي کې
په ګرمو اوبو ویلې شوې شېدې باید تر ګرمېدو یا یخچال کې تر ایښودو وروسته په یوه (1) ساعت کې وکارول شي.
په یخچال کې ویلې شوې اوبه باید تر ویلې کېدو وروسته په یوه (1) ورځ یا (24 ساعتونو) کې وکارول شي.
که تاسو پریکړه وکړئ چې د انسان شیدو تودوخه کړئ، بوتل یا کڅوړه مهر کړئ. مهربند شوی بوتل یا کین د ګرمو اوبو په کڅوړه کې ځای په ځای کړئ یا یې د ګرمو ، غیر تودو اوبو لاندې پریږدئ. دا په مستقیم ډول په بخارۍ یا مایکروویو کې مه ګرموئ. د لاس بند یوې برخې ته په لمس کولو سره د شیدو تودوخې چیک کړئ.
دا باید په کافي اندازه ګرم وي.
شیدې په ارامۍ تاو کړئ (ښوروئ یې مه) چې ګډې شي، ځکه چې د انسان شیدې معمولاً جلا کېږي.
د انسان شیدې په مایکروویو کې مه ږدئ. مایکروویو مغذي مواد تجزیه کوي او ګرمې نقطې رامنځته کوي چې د ماشوم خوله مو سوځولی شي.
اقتباس شوی له:
1. United States Department of Agriculture (USDA), Centers for Disease Control and Prevention (CDC),
and Department of Health and Human Services (HHS). (2018, July). Human Milk Storage Guidelines.
https://wicworks.fns.usda.gov/sites/default/files/media/document/Human_Milk_Storage_Guidelines.pdf
سرچینې:
Centers for Disease Control and Prevention (CDC). (2023, November 27). Breast Milk Storage and Preparation
https://www.cdc.gov/breastfeeding/breast-milk-preparation-and-storage/handling-breastmilk.html
Eglash, A., Simon, L., & The Academy of Breastfeeding Medicine. (2017). ABM Clinical protocol #8: Human milk storage information for home use for full-term infants. Breastfeeding Medicine, 12(7), 390-395.
https://doi.org/10.1089/bfm.2017.29047.aje
